უფლებადამცველმა საერთაშორისო უფლებადამცველმა ორგანიზაციამ Freedom House-მა გამოაქვეყნა ყოველწლიური ანგარიში „ტრანზიციის ქვეყნები“, რომელიც აფასებს დემოკრატიის მდგომარეობას 29 ქვეყანაში. ანგარიშით, სომხეთი და მოლდოვა საქართველოს  დემოკრატიის თვალსაზრისით უსწრებენ. გასულ წლებში ამ ქვეყნებს შორის საქართველო ლიდერობდა.

საქართველო, დემოკრატიის დონით, ისევ გარდამავალი ან ჰიბრიდული რეჟიმის მქონე ქვეყნებს მიეკუთვნება. ამავდროულად, დემოკრატიის დონე, Freedom House-ის მონაცემებით, წლის განმავლობაში 35%-დან 34%-მდე დაეცა (3,07-დან 3,04 ქულამდე). ამრიგად, ამ მაჩვენებლით საქართველოს სომხეთი (35%, 3.11 ქულა) და მოლდოვა (36%, 3.14 ქულა) უსწრებენ.

ანგარიშში ნათქვამია, რომ სომხეთს არ შეუტანია განაცხადი ევროკავშირში გაწევრიანებაზე, მაგრამ მან განაგრძო დემოკრატიული მიღწევების მიღწევა 2022 წელს და გახდა ერთადერთი 29 ქვეყნიდან ერთზე მეტი ინდიკატორის გაუმჯობესებით.

ცენტრალური და აღმოსავლეთ ევროპის 29 სახელმწიფოსა და პოსტსაბჭოთა სივრცის ქვეყნებს შორის დემოკრატიის დონის მიხედვით პირველ ადგილზეა ესტონეთი, ბოლო ადგილზე კი თურქმენეთი. დემოკრატიის დონე უკრაინაში 39%-ით არის შეფასებული (3,36 ქულა), რუსეთში - 2%-ზე (1,11 ქულა).

2023 წელს საქართველოში დემოკრატიის მაჩვენებელი 34%-მდე შემცირდა. აღნიშნულის შესახებ საერთაშორისო ორგანიზაცია Freedom House-ი ანგარიშს აქვეყნებს.

Freedom House-მა 7 კომპონენტისგან შემდგარი შეფასების სისტემა გამოაქვყნა, რომელიც ქვეყნის პროგრესს ამოწმებს. შედეგები ასეთია:

• ეროვნულ დემოკრატიულ მმართველობაში, სადაც საქართველომ მაქსიმალური 7-დან 2.25 ქულა მიიღო.
• საარჩევნო პროცესში, სადაც საქართველომ მაქსიმალური 7-დან 3.0 ქილა მიიღო.
• სამოქალაქო საზოგადოებაში, სადაც საქართველომ მაქსიმალური 7-დან 4.0 ქულა მიიღო.
• დამოუკიდებელი მედია, სადაც საქართველომ მაქსიმალური 7-დან 3.25 ქულა მიიღო.
• ადგილობრივი დემოკრატიული მმართველობაში, სადაც საქართველომ მაქსიმალური 7-დან 2.75 ქულა მიიღო.
• სასამართლო სისტემა და დამოუკიდებლობა, სადაც საქართველომ მაქსიმალური 7-დან 2.50 ქულა მიიღო.
• კორუფცია, სადაც საქართველომ მაქსიმალური 7-დან 3.50 ქულა მიიღო.

ანგარიშის მიხედვით, დამოუკიდებელი მედიის რეიტინგი ჟურნალისტების მიმართ ძალადობისა და შევიწროების გაუარესების მრავალწლიანი ტენდენციის გამო 3,50-დან 3,25-მდე შემცირდა. (ყველაზე მაღალი ქულა 7).

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო