პესკოვი ბელგოროდზე - უკრაინელი ბოევიკები ჩვენი ქვეყნის წინააღმდეგ მოქმედებებს აგრძელებენ

2023-05-23 15:18:31, 335 ნახვა

მსოფლიო

რუსეთის ფედერაციის პრეზიდენტის პრესმდივანი დიმიტრი პესკოვი ბელგოროდის რეგიონში განვითარებულ მოვლენებს ეხმაურება და აცხადებს, რომ "დივერსანტების თავდასხმები" ღრმა შეშფოთებას იწვევს.

როგორც პესკოვი ამბობს, "რუსეთის წინააღმდეგ მოქმედებებს უკრაინელი ბოევიკები აგრძელებენ".

"ეს კიდევ ერთხელ ადასტურებს, რომ უკრაინელი ბოევიკები აგრძელებენ მოქმედებებს ჩვენი ქვეყნის წინააღმდეგ. ამას ჩვენგან დიდი ძალისხმევა სჭირდება. ეს ძალისხმევა და სპეცოპერაცია გრძელდება, მომავალში ასეთი შეღწევების თავიდან ასაცილებლად“,- აცხადებს პესკოვი.

შეგახსენებთ, ბელგოროდის ოლქში კონტრტერორისტული ოპერაციის რეჟიმი გუშინ, 22 მაისს ამოქმედდა. ამის შესახებ ინფორმაცია ოლქის გუბერნატორმა, ვიაჩისლავ გლადკოვმა "ტელეგრამ-არხზე" გაავრცელა.

მანამდე უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა, ანდრეი იუსოვმა Suspilna-ს განუცხადა, რომ "რუსეთის თავისუფლების" ლეგიონმა და "რუსეთის მოხალისეთა კორპუსმა" ბელგოროდში ოპერაციის განხორციელება დაიწყო. მან ხაზგასმით აღნიშნა, რომ ოლქში "ექსკლუზიურად რუსეთის მოქალაქეები" შევიდნენ.

ავტორი: ექსპრესნიუსი,