ჩვენ მივესალმებით და ვუერთდებით "ნიკა გვარამიას თავისუფლების მოძრაობის" მიერ დაანონსებულ აქციას 27 მაისს,- ამის შესახებ "დროას" ლიდერმა, ელენე ხოშტარიამ ბრიფინგზე განაცხადა. 

ხოშტარიას თქმით, ნიკა გვარამიას დაკავება საქართელოს ევროპული მომავლის საბოტაჟს უკავშირდება, აღნიშნული საბოტაჟი კი, საქართველოს პრეზიდენტმა, სალომე ზურაბიშვილმა გვარამიას არ შეწყალებით გააგრძელა.

"ევროპული დღის წესრიგი არის ჩვენი პრინციპული ბრძოლა და ამ ბრძოლაში ნიკა გვარამიას საკითხი არის ერთ-ერთი ცენტრალური საკითხი. ფრენების აღდგენის ფონზე, ჩვენ მივიღეთ საჯარო ინფორმაცია, რომ ფრენების აღდგენის სპეცოპერაციის ნაწილი იყო, რუსეთიდან დაყენებული წინაპირობა პროდასავლური მედიის გაჩუმებისა და დევნის და სწორედ, მათ შორის რუსეთის დავალებით, რუსულმა ოცნებამ ნიკა გვარამია გამოკეტა საპატიმროში. აქედან გამომდინარე, ჩვენ მივესალმებით და ვუერთდებით ნიკა გვარამიას თავისუფლების ორგანიზაციის მიერ დაანონსებულ აქციას 27-ში 18:00 საათზე პრეზიდენტის ადმინისტრაციასთან და ყველა იმ ადამიანს, ვინც ჩვენ გვისმენს და გვენდობა მინდა მივმართო, დავიცვათ ჩვენი ევროპული არჩევანი და ადამიანის თავისუფლება",- განაცხადა ხოშტარიამ.

შეგახსენებთ, რომ "ნიკა გვარამიას თავისუფლების მოძრაობამ" აქცია 16 მაისს დააანონსა. მოძრაობის წევრები 27 მაისს პრეზიდენტის სასახლესთან შეიკრიბებიან. 

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო