საქართველოში უმუშევრობის დონე ისტორიულ მინიმუმზეა, - ამის შესახებ საქართველოს ფინანსთა მინისტრმა, ლაშა ხუციშვილმა მთავრობის ადმინისტრაციაში გამართულ ბრიფინგზე განაცხადა.

მისი თქმით, ბოლო პერიოდის განმავლობაში, საქართველოში დასაქმებულთა რაოდენობა მნიშვნელოვნად, დაახლოებით, 70 000 ადამიანით გაიზარდა.

„ამის მთავარი განმაპირობებელი ფაქტორია ქვეყანაში არსებული ეკონომიკური პოლიტიკა და ეკონომიკური ზრდა. ბოლო ორი წლის განმავლობაში გვაქვს ორნიშნა ეკონომიკური ზრდა და მიმდინარე წელსაც საკმაოდ მაღალია. ეკონომიკური აქტივობის გაუმჯობესება არსებითად აისახება ყველა ეკონომიკურ, მათ შორის, დასაქმების პარამეტრზე. საქართველოში უმუშევრობის დონე ისტორიულ მინიმუმზეა. მნიშვნელოვანია ის, რომ დასაქმებულთა რაოდენობა მნიშვნელოვნადაა გაზრდილი და შეადგენს მილიონ 271 ათასს. ამ მიმართულებით ჩვენი მოლოდინია, რომ შემდგომ პერიოდში პროგრესი იქნება კიდევ უფრო დიდი, გამომდინარე იქიდან, რომ ვხედავთ ეკონომიკური აქტივობის ზრდას. ეკონომიკურ აქტივობას მოჰყვება ისეთი მაჩვენებლების გაუმჯობესებაც, როგორიცაა დასაქმება, უმუშევრობის შემცირება და ყველა სხვა ეკონომიკური პარამეტრი", - აღნიშნა ფინანსთა მინისტრმა, ლაშა ხუციშვილმა.

ავტორი: NS (სტატია დაფინანსებულია),

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს