"დროას" ლიდერი ელენე ხოშტარია გაათავისუფლეს. ხოშტარიამ წინასწარი დაკავების იზოლატორი უკვე დატოვა.

როგორც "დროას" ლიდერმა იზოლატორის დატოვების შემდეგ ჟურნალისტებთან საუბრისას განაცხადა, სასამართლოსთან თანამშრომლობას არ აპირებს. 

“ისინი გასცდნენ არა მხოლოდ კონსტიტუციას და კანონს, რასაც ხშირად აკეთებდნენ, არამედ შეურაცხყოფა მიაყენეს ყველა ქართველს, ყველა დაღუპულ გმირს, საქართველოს ყველა მოქალაქეს.

პოლიციელობა არ არის უბრალოდ ფორმის ქონა, პოლიციელობა არ არის, უბრალოდ ემსახურო ივანიშვილს და ლავროვს. პოლიციელობა არის, დაიცვა ქვეყნის ღირსება და დაიცვა კანონი, რაც მათ დაარღვიეს და ამაზე ყოველთვის იქნება რეაქცია.

ადვოკატს არ ურეკავდნენ, ოჯახში არ მარეკინებდნენ - ამაში ცხოვრობენ ჩვენი აქტივისტები წლების განმავლობაში, ამაში ახალი არაფერი არ არის. მათ შორის დღესაც უარი ვთქვი სასამართლოში წასვლაზე. არ ვაპირებ მე მათთან თანამშრომლობას",- აცხადებს ხოშტარია.

შეგახსენებთ, "დროას" ლიდერი ელენე ხოშტარია გუშინ, 20 მაისს თელავის პოლიციასთან დააკავეს. როგორც პარტიაში ამბობენ, ხოშტარია პოლიციასთან ყვარელში დაკავებული აქტივისტებისთვის ადვოკატის უფლებას ითხოვდა.

ავტორი: ექსპრესნიუსი,

სოციალური ქსელები

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს

ბაქოს შემდეგ, ურსულა ფონ დერ ლაიენი ერევანში სამუშაო ვიზიტით ჩავიდა

ერთიანი ეროვნული გამოცდები დაიწყო, გამოცდა ქართული ენისა და ლიტერატურაში ტარდება