თბილისის მერი, კახა კალაძე მედიასთან ბოლო დღეების განმავლობაში ყვარელში განვითარებულ მოვლენებს გამოეხმაურა და განმარტა, რომ ნებისმიერი რუსი ეროვნების მქონე ადამიანს აქვს საქართველოში ჩამოსვლის უფლება, თუ „ოკუპირებული ტერიტორიის შესახებ“ კანონს არ არღვევს.
 „არ ვიცი ლავროვის სიძე იყო თუ სხვა ადამიანი. მნიშვნელოვანი არის დარღვეული ჰქონდათ თუ არა „ოკუპირებული ტერიტორიის შესახებ“ კანონი. თუ არ დაურღვევიათ აღნიშნული კანონი, მათ სრული უფლება ჰქონდათ საქართველოში ჩამოსვლის. რუსეთის წინააღმდეგ სანქციებს არ ვუერთდებით და ეს არაერთხელ განვაცხადეთ. თუ გადავხედავთ ქვეყნის უახლეს ისტორიას, ბევრ შეცდომას ვნახავთ, რაც გვაქვს დაშვებული, რამაც მძიმე შედეგები მოუტანა საქართველოს. პრაგმატული პოლიტიკით უნდა გავატაროთ ჩვენი ქვეყნის ინტერესები“, - განაცხადა კახა კალაძემ.
მისი თქმით, ფარისევლობაა აღნიშნული მოვლენების ირგვლივ პარტია „ნაციონალური მოძრაობის“ წარმომადგენლების განცხადებები და ქმედებები.
„დიდი დაშორებაა ამ ადამიანების ინტერესებსა და დემოკრატიულ ღირებულებებს შორის. ეს ადამიანები ქვეყანას გარკვეული წლების განმავლობაში მართავდნენ. გვახსოვს მათი განცხადებები 2008 წლის ომის შემდეგ, როდესაც ღიად მოუწოდებდნენ რუსებს ჩამოსულიყვნენ,  ემოგზაურათ, ბიზნესი ეკეთებინათ. გვახსოვს ოფიციალური წერილები - იწვევდნენ რუსებს საქართველოში ჩამოსასვლელად. ისინი არიან ფარისევლები და სპეკულაციას ეწევიან ნებისმიერი თემით“, - აღნიშნა კახა კალაძემ.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო