ჩემთვის ემოციურად ეს დღე ზუსტად იგივეა, რაც გავრილოვის დღე,- ამის შესახებ ოპოზიციონერმა დეპუტატმა, ხატია დეკანოიძემ განაცხადა.

დეკანოიძის თქმით, ერთმანეთს სიმბოლურად დაემთხვა, შს მინისტრის ინტერპელაცია პარლამენტში და რუსული თვითმფრინავის დაჯდომა თბილისის აეროპორტში.

"ჩემთვის ემოციურად ეს დღე არის, ზუსტად იგივე, რაც გავრილოვის დღე იყო. სიმბოლურად დაემთხვა ეს 19 მაისი, ზუსტად შსს მინისტრის ინტერპელაცია ფრენას, რუსული თვითმფრინავის დაჯდომას თბილისის აეროპორტში და მე ვფიქრობ, ყველამ უნდა ვაჩვენოთ ხელისუფლებას, კარგად გავაგებინოთ მათ ადამიანების ხმა და ჩვენი ხმა, რომ ამ ქვეყანაში რუსეთს უბრალოდ მომავალი არ აქვს ამიტომ, რა თქმა უნდა აუცილებელია ადამიანების მოსვლა, ადამიანების შეკრება და ყველაზე მნიშვნელოვანია, აუცილებელია, ჩვენი ხმის მათთვის ძალიან მყარად, აშკარად და ხმაურიანად წარმოჩენა",- განაცხადა დეკანოიძემ.

შეგახსენებთ, რუსული ავიაკომპანია Azimuth Airlines-ის კუთვნილი თვითმფრინავი თბილისის საერთაშორისო აეროპორტში ცოტა ხნის წინ დაეშვა. რუსეთის ფედერაციის მიერ პირდაპირი ფრენების აღდგენის გადაწყვეტილების შემდეგ, ეს მოსკოვიდან პირველი რეისია.

თბილისი-მოსკოვი-თბილისის მიმართულებით რეგულარული ოპერირების განხორციელებას ავიაკომპანია Georgian Airways-იც იწყებს. ავიაკომპანიის მიერ ფრენები 20 მაისიდან, კვირაში 7 სიხშირით განხორციელდება.

გარდა ამისა, დღეს, 19 მაისს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-ი დაიწყებს.

მიმდინარე წლის 10 მაისს, რუსეთის პრეზიდენტმა, ვლადიმერ პუტინმა 2019 წლის 21 ივნისს საქართველოსთან პირდაპირი ფრენების შეწყვეტის შესახებ გაცემული ბრძანება გააუქმა. საქართველოს მოქალაქეებისთვის ასევე გაუქმდა სავიზო რეჟიმი. გადაწყვეტილება ძალაში 2023 წლის 15 მაისიდან შევიდა. კიდევ ერთი გადაწყვეტილება, რომლის შესახებაც რუსეთმა  გამოაცხადა, „საქართველოში მოგზაურობისგან თავის შეკავების რეკომენდაციის“ გაუქმებას გულისხმობდა.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო