იუსტიციის მინისტრმა „იმედი-LIVE"-ს ეთერში სტრასბურგის გადაწყვეტილების შესახებ ისაუბრა და განაცხადა, რომ სააკაშვილის თემის ირგვლივ მიმდინარე კამპანიის მიზანი იყო საქართველოს წარმოჩენა იმ სახელმწიფოდ, სადაც პატიმრებს აწამებენ, და ეს იყო პირდაპირი შეტევა სახელმწიფოზე.

„აქ იყო პრინციპული შეტევა სახელმწიფოზე, რადგან ამ ადამიანებს უნდოდათ, ისე წარმოეჩინათ, რომ საქართველოში პატიმარს აწამებენ პენიტენციურ დაწესებულებაში, სამკურნალო დაწესებულებაში მას არ მკურნალობენ და ეს სამედიცინო პერსონალი არ არის საიმედო, და დააყენეს ერთადერთი მოთხოვნა, რაც უკავშირდებოდა მსჯავრდებულ სააკაშვილის სამკურნალოდ გაყვანას პოლონეთში, რაზეც სტრასბურგის სასამართლომ მათ უთხრა უარი. ეს იყო მათი ერთადერთი მოთხოვნა, ეს იყო დროებითი ღონისძიება და, აქვე განვმარტავ, თუ რას გულისხმობს დროებითი ღონისძიება.

ამ ღონისძიებას სასამართლო იყენებს მხოლოდ მაშინ, როდესაც არსებობს გადაუდებელი აუცილებლობა, ანუ როდესაც შესაძლებელია, გაუჩნდეს რომელიმე მოსამართლეს, თუნდაც, ეჭვი იმის შესახებ, რომ ამ ადამიანს ნამდვილად ესაჭიროება სასწრაფოდ ქვეყნიდან გაყვანა – კონკრეტულად ვგულისხმობ სააკაშვილის შემთხვევას, რადგან მას სათანადო მკურნალობა არ უტარდება და მისი სიცოცხლე და ჯანმრთელობა სახელმწიფოს მხრიდან შესაძლებელია, იყოს საფრთხის ქვეშ. რაც შეეხება სტრასბურგის გადაწყვეტილებას, ამ შემთხვევაში ჩვენი ყველა არგუმენტი იყო იმდენად მყარი, რომ, მე ვფიქრობ, არ არსებობდა სხვა ლოგიკური გადაწყვეტილება, გარდა იმ გადაწყვეტილებისა, რომელიც მიიღო სასამართლომ, და ეს არ იყო მხოლოდ მარტო სარჩელი, უფრო სწორად, ჩვენი პასუხი სარჩელზე, არამედ ეს იყო მთელი ის ისტორია, რაც უკავშირდება მიხეილ სააკაშვილის შემოსვლას საქართველოში და მის განთავსებას პენიტენციურ დაწესებულებაში", – განაცხადა რატი ბრეგაძემ.

ავტორი: NS (სტატია დაფინანსებულია),

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა