2023-05-18 12:48:48, 1319 ნახვა
მსოფლიო
ოკუპირებულ ყირიმში რკინიგზაზე აფეთქება მოხდა
ოკუპირებულ ყირიმში რკინიგზაზე აფეთქება მოხდა. აღნიშნულ ინფორმაციას "რადიო თავისუფლების" რუსულენოვანი ბიურო გამოცემა Baza-ზე დაყრდნობით ავრცელებს.
მედიის ცნობით, აფეთქება დილის 08:20 საათზე მოხდა, რის შედეგადაც მარცვლეულით დატვირთული 5 ვაგონი რელსებიდან გადავიდა.
დროებით ოკუპირებული ყირიმის ე.წ. ხელისუფლების წარმომადგენლები აცხადებენ, რომ მომხდარის გამო სიმფეროპოლი-სევასტოპოლის ხაზზე ელექტრომატარებლების მოძრაობა შეჩერებულია, მგზავრების გადაყვანა კი, ავტობუსებით მოხდება.
დაღუპულების ან დაშავებულების შესახებ ინფორმაცია არ გავრცელებულა.
ავტორი: ექსპრესნიუსი,
epn.ge (@expressnews.ge)
