"ერთიანი ნაციონალური მოძრაობის" დეპუტატი ანი წითლიძე პარლამენტის მიერ იუსტიციის უმაღლესი საბჭოს 3 არამოსამართლე წევრის არჩევას ეხმაურება და აცხადებს, რომ ოპოზიციამ უნდა იცოდეს ოპოზიციის იმ წარმომადგენლების სახელები და გვარები, ვინც კენჭისყრაში ხმა არამოსამართლე წევრების არჩევის სასარგებლოდ მისცა.

წითლიძის თქმით, მათ შორის ერთ-ერთი ნიკა მაჭუტაძეა.

„ამ ადამიანებმა მონაწილეობა მიიღეს იმაში, რომ იუსტიციის უმაღლეს საბჭოში სამი წევრი „ქართულმა ოცნებამ“ აირჩია როგორც „კლანის წევრი“. პრინციპულად მნიშვნელოვანია, რომ სახელით და გვარებით ვიცოდეთ. ერთია ნიკა მაჭუტაძე, რომელმაც დაადასტურა, დანარჩენთან დაკავშირებით ვარკვევთ. ესენი არ არიან „ნაციონალური მოძრაობის“ პარტიის წევრები, ფრაქციის წევრები კი, სავარაუდოდ, შეიძლება იყვნენ",- ამბობს წითლიძე.

ცნობისთვის, პარლამენტმა იუსტიციის უმაღლესი საბჭოს 3 არამოსამართლე წევრი აირჩია.

პლენარულ სხდომაზე გამართული ფარული კენჭისყრის შედეგად, დეპუტატებმა იუსტიციის უმაღლეს საბჭოში ზურაბ გურასპაშვილი, ტრისტან ბენაშვილი და გიორგი გზობავა აირჩიეს.

ოპოზიციის ნაწილმა სხდომათა დარბაზი პროტესტის ნიშნად დატოვა, რის გამოც კენჭისყრა შეწყდა და ტექნიკური შესვენება გამოცხადდა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა