ლევან ბერძენიშვილი სინამდვილეში საცოდავი კაცია, იღებს დავალებებს და ამ დავალებებით აგინებს ჩვენს ცნობილ საზოგადო მოღვაწეებს,- ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.

კობახიძის თქმით, ლევან ბერძენიშვილის სახლთან 20-მდე ნიღბიანი პირის შეკრება მარტივი სპეკულაციაა.

"ჯერ, მე მგონი, არც არავის უჩვენებია ეს ოცი კაცი ხომ?! რაღაც აბსტრაქტული ოცი კაცი არსებობს, თან ნიღბიანები იყვნენ და ისე იღიმებოდნენო, რაღაც სისულელე თქვა, თვალებიდან ამოიკითხა ეტყობა მათი ღიმილი. თან ღიმილი როგორი იყო ისიც დააკონკრეტა, მარტივი სპეკულაციაა. თავისი პრობლემები აქვს ამ კაცს და მე მგონი ჯობია, რომ საკუთარ პრობლემებს მიხედოს. სერიოზული პრობლემა აქვს, მისი მთავარი პრობლემა არის არა იმდენად ფსიქოლოგიური, რამდენადაც ის, რომ ის ყოველთვის დავალებებს ასრულებს, ის იღებს დაკვეთებს, ის არის უცხოელი აგენტი, იღებს დავალებებს და ამ დავალებებით აგინებს მათ შორის ჩვენს ცნობილ საზოგადო მოღვაწეებს, ილია ჭავჭავაძეზე რა ილაპარაკა, გახსოვთ; აკაკი წერეთელზე რა ილაპარაკა, გახსოვთ; ასევე რა ილაპარაკა დავით აღმაშენებელზე, ერეკლე მეორეზე ეს ყველაფერი გახსოვთ ხომ?! ასევე, თქვენ მოისმინეთ რა ილაპარაკა ბიძინა ივანიშვილზე, ცილისწამების მთელი კასკადი, სამარცხვინო ცილისწამების კასკადი, თუმცა, რა თქმა უნდა, ეს გასაკვირი არ არის, როდესაც წარსულზე ასე ლაპარაკობს და ისტორიისთვის ხაზის გადასხმას ცდილობს, აწმყოზე რომ იგივეს აკეთებს, ეს რა თქმა უნდა, გასაკვირი არ არის. 

საცოდავი კაცია სინამდვილეში ლევან ბერძენიშვილი. ამას აქვს ორი მიზეზი, ერთი, ეს არის მისი ფსიქოლოგიური, მენტალური პრობლემები და მეორე ის რომ, ის მუდმივად ასრულებს გარედან მიღებულ დავალებებს",- განაცხადა კობახიძემ.

ცნობისთვის, გუშინ, პროფესორმა ლევან ბერძენიშვილმა განაცხადა, რომ მის სახლთან 20-მდე ნიღბიანი პირი იყო მობილიზებული და მათი მიზანი სავარაუდოდ, ფიზიკური ანგარიშსწორება იყო.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა