ევროკავშირი მოუწოდებს საქართველოს, შეუერთდეს რუსეთის წინააღმდეგ დაწესებულ სანქციებს და არ შეუშვას რუსული თვითმფრინავები მის ტერიტორიაზე,- აღნიშნულის შესახებ ევროკომისიის საგარეო ქმედებათა სამსახურის პრესსპიკერი პიტერ სტანომ განაცხადა.

სტანოს თქმით, ევროკავშირი არ აძლევს თავის ავიაკომპანიებს რუსეთში ფრენის უფლებას და მტკიცედ მოუწოდებს საქართველოს მიბაძოს მას.

„ევროკავშირმა აკრძალა თავისი ავიაკომპანიების ფრენები რუსეთის მიმართულებით და მის თავზე და მოუწოდებს სხვა ქვეყნებს, მათ შორის საქართველოს, რომელიც აცხადებს, რომ ევროკავშირის წევრობის კანდიდატია, შეუერთდნენ ამ სანქციებს.

ევროკავშირი ასევე მოუწოდებს საქართველოს, არ შეუშვას „არაუსაფრთხო“ რუსული თვითმფრინავები მის ტერიტორიაზე, რადგან ევროკავშირისა და აშშ-ის სანქციები რუსეთს არ აძლევს საშუალებას, უზრუნველყოს ამერიკული და ევროპული თვითმფრინავების ლიცენზირებული ტექნიკური მომსახურება“,- განაცხადა სტანომ.

ცნობისთვის, გუშინ, 10 მაისს რუსეთის პრეზიდენტმა, ვლადიმერ პუტინმა რუსული ავიახაზებისთვის საქართველოსთან ფრენის აკრძალვა გააუქმა. საქართველოს მოქალაქეებისთვის ასევე გაუქმდა სავიზო რეჟიმი. ოფიციალურ პორტალზე გამოქვეყნებული განკარგულების თანახმად, გადაწყვეტილება ძალაში 2023 წლის 15 მაისიდან შევა. კიდევ ერთი გადაწყვეტილება, რომლის შესახებაც რუსეთმა გუშინ განაცხადა, „საქართველოში მოგზაურობისგან თავის შეკავების რეკომენდაციის“ გაუქმებას ეხება.

აღსანიშნავია, რომ ფრენის აკრძალვის გაუქმების შემდეგ, რუსულმა მედიამ ქვეყნის ტრანსპორტის სამინისტროზე დაყრდნობით გაავრცელა ინფორმაცია, რომ რუსული ავიაკომპანიები მოსკოვი-თბილისი-მოსკოვის მიმართულებით კვირაში 7 პირდაპირ რეისს განახორციელებენ.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა