უკრაინელმა და პრო-უკრაინელმა აქტივისტებმა არ მისცეს საშუალება რუსეთის ელჩს ვარშავაში, სერგეი ანდრეევს, 9 მაისს პოლონეთის დედაქალაქში წითელი არმიის ჯარისკაცების ძეგლი გვირგვინით შეამკო.

მცირე სასაფლაოზე, სადაც მემორიალია განთავსებული, ელჩს რამდენიმე ასეული ადამიანი ელოდა. ასევე იყო ინსტალაცია, რომელიც გმობდა რუსეთის შეჭრას უკრაინაში და ახსენებდა ამ ქვეყანაში რუსი სამხედროების მიერ ჩადენილი სავარაუდო ომის დანაშაულებს.

ელჩს და მის თანმხლებ პირებს „რაშისტი“ შეძახილებით შემოეხვივნენ და მემორიალთან მისვლის საშუალება არ მისცეს. იყო შეტაკებები. თავად ანდრეევმა რია ნოვოსტის განუცხადა, რომ ის არ დაშავებულა. ბოლოს იძულებული გახდა წასულიყო, მაგრამ თქვა, რომ შეძლებდა მოგვიანებით დაბრუნებას და მაინც გვირგვინით შეამკო.

9 მაისს, დილით, ვარშავაში რუსეთის საელჩოსთან აქტივისტების ჯგუფმა საპროტესტო აქცია გამართა.
გასულ წელს, რუსეთის ელჩს 9 მაისს წითელი საღებავი შეასხეს, ასევე უკრაინაში რუსეთის შეჭრის პროტესტის ნიშნად.

ომის დაწყების შემდეგ მილიონზე მეტი უკრაინელი მოქალაქე ჩავიდა პოლონეთში საომარი მოქმედებებისგან თავის დასაღწევად. ქვეყნის ხელისუფლება მკაცრ პოზიციას იკავებს მოსკოვის ქმედებების მიმართ. როგორც პოლონეთის ხელისუფლება, ისე ბევრი სამოქალაქო აქტივისტი ამტკიცებს, რომ რუსეთის წარმომადგენლები გამარჯვების დღეს იყენებენ საბაბად რუსული აგრესიის გასამართლებლად.

ავტორი: ექსპრესნიუსი,

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა