ევროპის დღეებთან დაკავშირებულ ღონისძიებაზე ევროკავშირის ელჩმა საქართველოში, პაველ ჰერჩინსკიმ შეკრებილ ხალხს ქართულად მიმართა და აღნიშნა, რომ ახლა საქართველოს ევროინტეგრაციის ისტორიული შანსი აქვს.

"ჩვენ ევროპის დღეს აღვნიშნავთ, ამ დღეს საქართველო ევროპული პერსპექტივით ხვდება. ეს დიდი წარმატებაა. შემდეგი ეტაპი კანდიდატის სტატუსის მოპოვებაა, რაც კიდევ უფრო დაახლოებს საქართველოს ევროკავშირის წევრობასთან. ამ მიზანს მოსახლეობის დიდი უმრავლესობა უჭერს მხარს. ეს ისტორიული შანსია იმისთვის, რომ გახდეთ ერთიანი, უსაფრთხო და ეკონომიკურად ძლიერი ევროპული ოჯახის წევრი. ვუსურვებ საქართველოს წარმატებას ამ გზაზე". – თქვა ჰერჩინსკიმ.

ღონისძიებაზე შეკრებილებს სიტყვით მიმართა შვედეთის ელჩმაც, ულრიკ ტიდესტრომმა.

"საქართველო და საქართველოს ევროპული გზა ისევე მნიშვნელოვანია შვედეთისთვის, როგორც ახლა ევროკავშირის თავმჯდომარეობა. რატომ? რადგან ერთად უფრო ძლიერები ვართ. გვსურს მეტი საქართველო როგორც შვედეთში, ისე ევროკავშირში". – თქვა ტიდესტრომმა. 

სიტყვით გამოვიდა საქართველოს პრემიერმინისტრი ირაკლი ღარიბაშვილიც.

"მე მინდა მივესალმო ჩვენს მეგობრებს, ევროკავშირის ელჩს, ბატონ ჰერჩინსკის, შვედეთის ელჩს მინდა მივესალმო განსაკუთრებით და ჩვენს მერს, ბატონ კახა კალაძეს. მოგეხსენებათ, რომ ჩვენ აღვნიშნავთ ევროპის დღეებს. ჩვენ გუშინ ბატონ ელჩებთან ერთად აღვნიშნეთ ევროპის დღეების გახსნა ოფიციალურად, და იცით ასევე, რომ ჩვენ გუშინ აღვნიშნეთ ესპანური დღე, ვინაიდან ესპანეთი გადაიბარებს ოფიციალურად ევროკავშირის თავმჯდომარეობას ივლისიდან, და მანამდე, როგორც იცით, შვედეთი არის ევროკავშირის თავმჯდომარე ქვეყანა. ამიტომ, დღეს უკვე შვედეთის დღე შემოგთავაზეთ". – თქვა ღარიბაშვილმა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა