ღირებულებების ომი მიდის მსოფლიოში, აქ ჩვენი ქართული გამოწვევაა ჩვენი მხრივ სად აღმოვჩნდებით ამ ღირებულებების ბრძოლაში,- ამის შესახებ "ქართული ოცნების" აღმასრულებელმა მდივანმა, მამუკა მდინარაძემ საქართველოს პრემიერ-მინისტრის, ირაკლი ღარიბაშვილის ბუდაპეშტში, კონსერვატიული პოლიტიკური მოქმედების ყოველწლიურ კონფერენციაში (CPAC) მონაწილეობასთან დაკავშირებით განაცხადა.

როგორც მდინარაძემ ჟურნალისტებს უთხრა, ღირებულების ომში, საქართველო არა  არაჯანსაღი პროპაგანდის, არამედ იდენტობის, ტრადიციების, ღირებულებების მხარეს უნდა დადგეს.

"თანამედროვე სამყაროში თუკი რამე გამოწვევა არსებობს, ერთ-ერთი მთავარი გამოწვევა, რაზეც გუშინ პრემერ-მინისტრმა ისაუბრა, ეს არის და ამას აღიარებენ არა მხოლოდ საქართველოში, არამედ ცივილიზებულ სამყაროში აღიარებს ძალიან ბევრი ადამიანი, პოლიტიკური ჯგუფი და ამ გამოწვევასთან საბრძოლველად, ბევრი ადამიანი, პოლიტიკოსი საუბრობს. არ არის ირაკლი ღარიბაშვილი არც პირველი, არც ბოლო, ვინც ამ გამოწვევებზე ილაპარაკებს.

ეს არის უსერიოზულესი პრობლემა - ღირებულებების ომი მიდის მსოფლიოში, აქ ჩვენი ქართული გამოწვევაა ჩვენი მხრივ სად აღმოვჩნდებით ამ ღირებულებების ბრძოლაში. ჩვენ დარწმუნებულები ვართ და ხალხის მხარდაჭერაც შეუძლებელია სხვაგვარი იყოს, რომ ამ ბრძოლაში, ამ ღირებულების ომში, ჩვენ უნდა ვიყოთ საკუთარი იდენტობის, ტრადიციების, ღირებულებების მხარეს და არა სხვა მხარეს, სადაც არაჯანსაღი პროპაგანდა მიმდინარეობს სხვადასხვა მიმართულებით, რაშიც ძალიან ხშირად ურევენ ხოლმე, მაგალითად ადამიანის უფლებების დაცვას, რაშიც აბსოლუტურად შეუვალები ვართ და ასე შემდეგ.

გუშინ, საქართველოში ცოტა სხვაგვარად დალაგდა ამბავი. "ნაცმოძრაობის" კლასტერმა თავიდან ბოლომდე - მედია, პოლიტიკოსები - მიზნად დაისახა, რომ ირაკლი ღარიბაშვილის ნალაპარაკები არავის გაეგო. მათმა მაყურებელმა ამ წუთამდე არ იცის, რა ილაპარაკა პრემიერ-მინისტმა, უბრალოდ დაუმალეს, იციან მხოლოდ შეფასებები",- განაცხადა მდინარაძემ. 

შეგახსენებთ, გუშინ, 4 მაისს საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციას (CPAC) სიტყვით  მიმართა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა