2023-05-04 23:49:42, 903 ნახვა
პოლიტიკა
PES - პრემიერ ღარიბაშვილის ქმედება მიუღებელია და ამით ის ჩვენი პოლიტიკური ოჯახის ღირებულებების მიღმა რჩება
ევროპელი სოციალისტების პარტია (PES) უნგრეთში საქართველოს პრემიერ-მინისტრის, ირაკლი ღარიბაშვილის კონსერვატიულ პოლიტიკურ სამოქმედო კონფერენციაში (CPAC) მონაწილეობის მიღებას გმობს.
ევროპელი სოციალისტების პარტიის ვიცე-პრეზიდენტის კატი პირის თქმით, ირაკლი ღარიბაშვილის ქმედებები ეწინააღმდეგება პოლიტიკური გაერთიანების ღირებულებებს.
"პრემიერ ღარიბაშვილის ქმედება მიუღებელია და ამით ის ჩვენი პოლიტიკური ოჯახის ღირებულებების მიღმა რჩება", - განაცხადა მან.
მან ასევე აღნიშნა, რომ PES-ის მომავალ სხდომაზე ქართული ოცნების სტატუსის საკითხი განიხილება.
"ჩვენ უკვე გადაწყვიტეთ, გადაიხედოს ქართული ოცნების სტატუსი PES-ში მომავალი არჩევნებისთვის. ეს აშკარად აუცილებელი ნაბიჯია ღარიბაშვილის დღევანდელი ჩართულობის შემდეგ", - დასძნა ვიცეპრეზიდენტმა.
ავტორი: ექსპრესნიუსი,
epn.ge (@expressnews.ge)
