არაფერია იმაზე ეროვნული და ევროპული, ვიდრე საკუთარ ქვეყანაზე ზრუნვა,- ასე ეხმაურება "ქართული ოცნების" აღმასრულებელი მდივანი მამუკა მდინარაძე საქართველოს მთავრობის მეთაურის, ირაკლი ღარიბაშვილის ბუდაპეშტში, კონსერვატიული პოლიტიკური მოქმედების ყოველწლიურ კონფერენციაზე (CPAC) სიტყვით გამოსვლას.

მდინარაძის თქმით, ეროვნული იდენტობის შენარჩუნება მნიშვნელოვანია და სწორედ ამ პათოსით იყო გაჟღენთილი პრემიერის სიტყვაც.

"არაფერია იმაზე ეროვნული და ევროპული, ვიდრე საკუთარ ქვეყანაზე ზრუნვა, უპირატესად საკუთარ სამშობლოზე ფიქრი და საქმის კეთება - ამისთვის ეროვნული ტრადიციების დაცვა, ეროვნული იდენტობის შენარჩუნება და შენი კულტურის, შენი გუშინდელი დღის შენარჩუნების პარალელურად, ზრუნვა ხვალინდელზე, განვითარებაზე, ევროპელობასა და პროგრესზე. ეს არის მთავარი, რაც ჩვენს ქვეყანას ყველაზე მეტად და სასიცოცხლოდ სჭირდება. პრემიერის სიტყვაც ამ პათოსით იყო გაჟღენთილი. დარწმუნებული ვარ, ქართული საზოგადოება ამას აბსოლუტურად სწორად იგებს და დიდ უმცირესობაში არიან ის ადამიანები, ქვეყნის შიგნით თუ გარეთ, ვინც ამას სხვა სახელს არქმევენ",- განაცხადა მდინარაძემ.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციას (CPAC) სიტყვით დღეს, 4 მაისს მიმართა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა