„ნაციონალურ მოძრაობაში“ მიღებული იქნა გადაწყვეტილება, რომ ეს პროცესები 20 მაისამდე უნდა დასრულდეს, - ამის შესახებ "ნაციონალური მოძრაობის" თავმჯდომარემ, ლევან ხაბეიშვილმა შიდაპარტიულ არჩევნებთან დაკავშირებით განაცხადა.

როგორც ხაბეიშვილმა ცოტა ხნის წინ, პარტიის ცენტრალურ ოფისში გამართულ საგანგებო ბრიფინგზე აღნიშნა, ენმ სტრუქტურულად გამართული უნდა შეხვდეს ყველა პროცესს, რომელიც შესაძლოა, მესამე პრეზიდენტის, მიხეილ სააკაშვილის საქმეზე, სტრასბურგის სასამართლოს გადაწყვეტილებას მოჰყვეს. 

„ერთიანი ნაციონალური მოძრაობის“ პოლიტიკური საბჭოს საბოლოო ფორმირების და ადგილებზე პარტიული ორგანიზაციების სტრუქტურების საბოლოოდ ჩამოსაყალიბებლად, ბოლო 2 კვირის განმავლობაში, პარტიის ყველა დონეზე მიმდინარეობდა აქტიური კონსულტაციები. საზოგადოებამ კარგად იცის, რომ ჩვენი ქვეყნის წინაშე დგას უსერიოზულესი პრობლემა, რომელიც უკავშირდება ოლიგარქიულ, კლანურ მმართველობას. ასევე, „ნაციონალური მოძრაობისთვის“ და ჩვენი ქვეყნისთვის უმნიშვნელოვანესი საკითხია პრეზიდენტ სააკაშვილის თავისუფლება, ამ თავისუფლებისთვის ბრძოლა და უმნიშვნელოვანესია, რომ პარტია იყოს გამართული, სტრუქტურულად ჩამოყალიბებული, რომელიც დაუპირისპირდება რუს ოლიგარქ ბიძინა ივანიშვილს და ცხადია, იბრძოლებს პრეზიდენტ სააკაშვილის თავისუფლებისთვის. სწორედ ამიტომ, 19 აპრილს ჩვენ დავაანონსეთ, რომ ყველა მუნიციპალიტეტში, ქალაქში გაიმართება ღია, გამჭვირვალე არჩევნები და ასეთი იქნება 63, სადაც ადგილობრივები აირჩევენ თავმდჯომარეს.

„ნაციონალურ მოძრაობაში“ მიღებული იქნა გადაწყვეტილება, რომ ეს პროცესები 20 მაისამდე უნდა დასრულდეს იმისთვის, რომ მზად ვიყოთ ყველა განვითარებული პროცესებისთვის, როგორც ოლიგარქიული რეჟიმის დასამარცხებლად, ასევე იცით, რომ კონრკეტული გადაწყვეტილება უნდა გამოცხადდეს პრეზიდენტ სააკაშვილთან დაკავშირებით, სტრასბურგის სასამართლოში. პარტია უნდა შეხვდეს გაძლიერებული და ყველანაირი არჩევნებით დასრულებული ამ პროცესს.

• 4 მაისს დაიწყება და 9 მაისამდე გასტანს ენმ-ის ცენტრალურ ოფისში რაიონული ორგანიზაციების თავმდჯომარეობის მსურვლების კანდიდატების რეგისტრაცია;
• 9 მაისიდან 14 მაისამდე იქნება დრო ამომრჩეველთა სიების რეგისტრაციისთვის; კანდიდატებს ექნებათ საშუალება დაარეგისტრირონ საკუთარი მომხრეთა სია, როგორც ონლაინ, ისე ფიზიკურად;
• 14-16 მანძილზე არჩევნების მონაწილე ყველა მხარეს ექნება დრო და საშუალება გადახედოს და გადაამოწმოს საარჩევნო ერთიან ე.წ. სამაგიდო სია;
• 17-დან 20 მაისამდე გამოცხადდება კონკრეტული თარიღები იმ რაიონებში, სადაც იქნება კონკურენცია.

კანდიტადად რეგისტრაცია:

ენმ-ის ადგილობრივი ორგანიზაციის კანდიდატობის მსურველი შესაძლოა დარეგისტრირდეს კანდიდატად:

• თუ კანდიდატობის მსურველს კანდიდატად რეგისტრაციისთვის მხარს უჭერს ადგილობრივი საკრებულოს ენმ-ის ფრაქციის შემადგენლობის არანაკლებ 1/3;
• თუ კანდიდატობის მსურველს კანდიდატად წარადგენს პარტიის პოლიტიკური საბჭოს მინიუმი 2 წევრი;
• თუ კანდიდატობის მსურველი წარადგენს ადგილობრივი საარჩევნო ოლქის საერთო ამომრჩეველთა მინიმუმ 1 %-ზე მეტი რაოდენობის მხადამჭერის ხელმოწერას.

კანდიდატი ვერ იქნება:

• პირი, მკვეთრად გამოხატული ანტიდასავლური პოლიტიკური პოზიციებით;
• სხვა პოლიტიკური პარტიის წევრი;
• "ქართული ოცნების", "ხალხის ძალის", "ალტინფოს" იდენტიფიცირებული ხმარდამჭერი",- განაცხადა ხაბეიშვილმა.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა