თქვენ, ბ-ნო სპიკერო, მზად ხართ, გადაეფაროთ უმრავლესობასთან ერთად კლანს, სასამართლო სისტემას, ოღონდ პარლამენტში საგამოძიებო კომისია არ შეიქმნას,- ასე მიმართა ოპოზიციონერმა დეპუტატმა, ხათუნა სამნიძემ პარლამენტის თავმჯდომარეს, შალვა პაპუაშვილს პლენარულ სხდომაზე.

როგორც სამნიძემ სიტყვით გამოსვლისას აღნიშნა, კენჭისყრის ჩამონათვალში ამოიღებულია საკითხი, რომელიც პარლამენტში საგამოძიებო კომისიის შექმნას ეხება, რაც როგორც სამნიძე ამბობს, უმრავლესობის შიშს უკავშირდება.

"დღის წესრიგში კენჭისყრის საკითხების ჩამონათვალში არ არის საკითხი, რომელიც უკვე განხილულია და ვიცით, რომ უნდა ყოფილიყო ამ ჩამონათვალში. არანაირი საფუძველი არ არსებობს, რომ თქვენ თქვენი პირადი გადაწყვეტილებით, როგორც ჩანს, გააქრეთ, წაშალეთ საკითხი, რომელიც იყო კენჭისყრის საკითხებში - ეს არის საგამოძიებო კომისიის შექმნასთან დაკავშირებით კენჭისყრა. რატომ თვლით, რომ თქვენ გაქვთ უფლება, ერთპიროვნულად გადაწყვიტოთ კენჭისყრის საკითხებიდან გააქროთ, უბრალოდ გააქროთ ყოველგვარი საფუძვლის გარეშე საკითხი, რომელიც არის მაღალი საზოგადოებრივი ინტერესის, ყველაფერს რომ თავი დავანებოთ, რომელიც არის უკვე განხილული. მისი ამოღების ერთადერთი საფუძველი არის უმრავლესობის შიში, რომ ამ პარლამენტში არ შეიქმნას საგამოძიებო კომისია, რომელიც შეისწავლის სასამართლო სისტემაში წარსულში და დღეს არსებულ ვითარებას... ეს არის თქვენი პირადი გადაწყვეტილება ანუ თქვენ, ბ-ნო სპიკერო, მზად ხართ, გადაეფაროთ უმრავლესობასთან ერთად კლანს, სასამართლო სისტემას, რომ პარლამენტში საგამოძიებო კომისია არ შეიქმნას", - მიმართა სამნიძემ პაპუაშვილს.

შეგახსენებთ, გუშინ, 1-ელ მაისს პარლამენტის ბიუროს სხდომაზე საკანონმდებლო ორგანოს თავმჯდომარემ, შალვა პაპუაშვილმა განაცხადა, რომ  საგამოძიებო კომისიის შექმნის საკითხზე კენჭისყრა მიმდინარე კვირის დღის წესრიგში შეტანილი არ იქნებოდა. მისი თქმით, კენჭისყრის საკითხმა პარლამენტში სხვა კენჭისყრის პროცესები შეაფერხა.

აღსანიშნავია, რომ მოსამართლეებთან დაკავშირებით, დროებითი საგამოძიებო კომისიის შექმნას საპარლამენტო ოპოზიცია ითხოვს. აღნიშნული საკითხი დღის წესრიგში მას შემდეგ დადგა, რაც ამერიკის შეერთებულმა შტატებმა 5 აპრილს მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სასამართლო სისტემაში კორუფციის შემსწავლელი დროებითი საგამოძიებო კომისიის შექმნის საკითხი კენჭისყრაზე 3-ჯერ ჩავარდა, რადგან "ქართული ოცნების" დეპუტატებმა რეგისტრაცია არ გაიარეს.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა