გვჯერა, პოლონეთისა და საქართველოს საერთაშორისო თანამშრომლობა წაადგება ჩვენს ეროვნულ ინტერესებს,- ამის შესახებ საქართველოში ვიზიტით მყოფმა პოლონეთის საგარეო საქმეთა მინისტრმა, ზბიგნევ რაუმ ქართველო კოლეგასთან, ილია დარჩიაშვილთან ერთად გამართულ პრესკონფერენციაზე განაცხადა.

როგორც ზბიგნევ რაუმ აღნიშნა, პოლონეთი ცდილობს, საქართველოსთვის არსებულ მნიშვნელოვან საკითხებზე კონსტრუქციული კავშირები და შესაძლო დახმარების გზები გამონახოს.

"ჩემი დღევანდელი სამუშაო ვიზიტი არის ჩვენი ქვეყნების დიპლომატიურ-პოლიტიკური ინტენსიური კომუნიკაციის დადასტურება და საერთო ჯამში, გამოხატავს იმ სულისკვეთებას, რომელიც ჩვენი კავშირების კიდევ უფრო გამყარებას ემსახურება. მინისტრი დარჩიაშვილი ამ წელს იყო ევროკავშირის საგარეო საქმეთა საბჭოს სხდომაზე სპეციალური სტუმარი და ჩვენ მასთან მაშინ განვიხილეთ საქართველოს პრობლემური მიმართულებები საქართველოს ევროინტეგრაციის კუთხით. ვიმსჯელეთ ასევე ყოფილი პრეზიდენტის, მიხეილ სააკაშვილის გარშემო არსებულ ვითარებაზე. ყველა ამ საკითხზე პოლონეთი ცდილობს, კონსტრუქციული კავშირები და შესაძლო დახმარების გზები გამონახოს. გვჯერა, პოლონეთისა და საქართველოს საერთაშორისო თანამშრომლობა წაადგება ჩვენს ეროვნულ ინტერესებს",- განაცხადა პოლონეთის საგარეო საქმეთა მინისტრმა.

ცნობისთვის, ზბიგნევ რაუ საქართველოს გუშინ, 26 აპრილს ეწვია და მისი ვიზიტი 28 აპრილის ჩათვლით გაგრძელდება.

ვიზიტის ფარგლებში, ზბიგნევ რაუ საქართველოს პრეზიდენტს, სალომე ზურაბიშვილს და პრემიერ-მინისტრ ირაკლი ღარიბაშვილსაც შეხვდება.

ავტორი: ექსპრესნიუსი,

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს