ივანიშვილს და მის პარტიას არ უნდა, რომ საქართველო შეუერთდეს ევროკავშირს, - ამის შესახებ ამერიკელმა პოლიტოლოგმა, ფრენსის ფუკუიამამ განაცხადა.

მისივე თქმით, მმართველი პარტია აკეთებს ყველაფერს, რომ დაბლოკონ საქართველოს ევროკავშირში წევრობა და მნიშვნელოვანია, რომ დასავლეთმა არ დასაჯოს საქართველო ამ ქმედებების გამო, მაგრამ უნდა დაისაჯონ ის პირები, რომლებიც ამაზე პასუხისმგებელნი არიან.

მან დასძინა, რომ საქართველოს ევროკავშირში წევრობა საუკეთესო გარანტიაა ქვეყანაში დემოკრატიული ინსტიტუტების გაძლიერებისთვის.

"ეს საქართველოს მთავარი პრობლემაა, კონკრეტული ოლიგარქის გავლენა. ვფიქრობ, რომ ივანიშვილს და მის პარტიას არ უნდა, რომ საქართველო შეუერთდეს ევროკავშირს. აკეთებენ ყველაფერს, რომ დაბლოკონ საქართველოს ევროკავშირში წევრობა. როგორც ეპყრობიან სააკაშვილს, ეწინააღმდეგება ქართველი ხალხის სურვილს. მნიშვნელოვანია, რომ დასავლეთმა არ დასაჯოს საქართველო, მაგრამ დასაჯონ ის ხალხი, ვინც პასუხისმგებელნი არიან ამაში. მე ვფიქრობ, რომ სანქციები კონკრეტულ ინდივიდებს უნდა შეეხოს, ვინც საქართველოს წინააღმდეგაა.

საქართველოს ევროკავშირში წევრობა საუკეთესო გარანტიაა საქართველოში დემოკრატიული ინსტიტუტების გაძლიერებისთვის. საქართველოსთვის სტატუსის მინიჭება ბევრ საკითხზეა დამოკიდებული. ეს დამოკიდებული იქნება იმაზე, თუ რა მოხდება საქართველოში", - განაცხადა ფუკუიამამ.

ავტორი: ექსპრესნიუსი,

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს