2023-04-18 19:18:59, 790 ნახვა

---

ოლივერ ვარჰეის პასუხი არასამთავრობოებს - ევროკავშირის გზაზე პროგრესის ტემპი დამოკიდებულია საკვანძო რეფორმების განხორციელებაზე

ევროკავშირის გზაზე პროგრესის ტემპი დამოკიდებულია საკვანძო რეფორმების განხორციელებაზე, - ასე უპასუხასამეზობლო პოლიტიკისა და გაფართოების საკითხებში ევროკომისარმა ოლივერ ვარჰეიმ, არასამთავრობო ორგანიზაციებს, რომლებმაც მას ევროკავშირის მიერ საქართველოსთვის ევროპული პერსპექტივის მინიჭების შესახებ მიმართეს.

ოლივერ ვარჰეის თქმით, ევროკავშირი მადლიერია საქართველოს სამოქალაქო საზოგადოების იმპლემენტაციის მონიტორინგის პროცესში ჩართულობისთვის.

ამასთან ერთად მან აღნიშნა, რომ კომისია ყურადღებით აკვირდება საქართველოს მიერ გადადგმულ ნაბიჯებს 12 პრიორიტეტის იმპლემენტაციის მიმართულებით და ხელს უწყობს საქართველოს ძირითადი საკითხების რაც შეიძლება სწრაფად და ეფექტიანად მოგვარებაში

შეგახსენებთ, არასამთავრობო ორგანიზაციებმა ევროკომისარ ოლივერ ვარჰეის 24 მარტს წერილით მიმართეს და სთხოვეს, რომ კანდიდატის სტატუსზე საქართველოს შესახებ შუალედური შეფასება ყოფილიყო საჯარო და ხელმისაწვდომი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი