აშშ-ის კონგრესში ორპარტიული ჯგუფი უნგრეთის პრემიერ-მინისტრ ვიქტორ ორბანის მთავრობასთან დაკავშირებული პოლიტიკური ფიგურებისთვის სანქციებს ამზადებს. აღნიშნულის შესახებ ინფორმაციას The Guardian-ი ავრცელებს.

Guardian-ის ცნობით, სანქციების კანონპროექტში დასახელებული იქნებიან ყოფილი მაღალჩინოსნები და მთავრობის მხარდამჭერები, რომლებსაც ვიქტორ ორბანის პარტია - "ფიდესთან" აქვთ კავშირები.

გამოცემის ცნობითვე, კანონპროექტი კონგრესს, სავარაუდოდ, მომავალ თვეში წარედგინება, რომელიც ვაშინგტონსა და ბუდაპეშტს შორის ურთიერთობების გაუარესების ფონზე მზადდება. 

"ეს არ არის პირველი შემთხვევა, როდესაც აშშ სანქციებს უწესებს ორბანთან დაახლოებულ პირებს. 2014 წელს ვაშინგტონმა ბევრ უნგრელ ფიგურას შეერთებულ შტატებში შესვლა აუკრძალა, მათ შორის იყო ეროვნული საგადასახადო სამსახურის ხელმძღვანელი, ის კორუფციაში დაადანაშაულეს. ჯერჯერობით სანქციების სამიზნე პირების ვინაობა არ სახელდება",- წერს The Guardian-ი.

ცნობისთვის, 12 აპრილს აშშ-მ დაასანქცირა ბუდაპეშტში მოქმედი საერთაშორისო საინვესტიციო ბანკი (IIB). სანქცირებულთა სიაში მოხვდნენ IIB-ის მმართველის ორი მოადგილე და ყოფილი მმართველი. დასანქცირებული 3 პირიდან 2 რუსეთის მოქალაქეა, 1 კი უნგრეთის.

ავტორი: ექსპრესნიუსი,

სოციალური ქსელები

ALDE: ოცნება რეპრესიებს აღრმავებს - ევროკავშირმა უფრო მკაცრი სანქციებით უნდა უპასუხოს

კლანის წევრის რევაზ ნადარაიას ისტერიკა საკონსტიტუციო სასამართლოს სხდომაზე

გერმანიის საგარეო - საქართველოში პარტიების აკრძალვის საკონსტიტუციო სარჩელი შემაშფოთებელია

სალომე ზურაბიშვილი - დღეს არის დღე სამარცხვინო საქართველოსთვის