ივანიშვილის ადგილზე კარგად გავისიგრძეგანებდი კენიის ციხეში მთელი დეკადის გატარების ძალიან უსიამოვნო პერსპექტივას, - ამის შესახებ "მთავარი არხის" გენერალურმა დირექტორმა, ნიკა გვარამიამ განაცხადა.

მისივე თქმით, ეკოლოგიის კონტექსტი მსოფლიოში ამომავალი ტრენდია, აქედან გამომდინარე, ამ მხრივ დადგენილი დარღვევები, რთულად წარმოსადგენია რომ მიიჩქმალოს.

"ყურადღების მიღმა არ უნდა დაგვრჩეს კენიისა და ბაობაბების ამბავი. ყოველგვარი ხუმრობის გარეშე. რა ინფორმაციაც ჩემთვის ხელმისაწვდომია საკანში, იმის მიხედვით ორი ძალიან მნიშვნელოვანი დანაშაულის ნიშანია: ერთი - ეკოლოგიურის, რომელიც კონვენციურია მაღალი ალბათობით და უნივერსალური იურისდიქციის. მეორე - საერთაშორისო კორუფციის, რაზეც, მაგალითად, აშშ-ს სპეციალური საკანონმდებლო რეგულაციები აქვს დაწესებული - ხისტი, მკაცრი, მყისიერი ეფექტის მქონე.

აქვე იმასაც ვიტყვი, რომ ეკოლოგიის კონტექსტი ახლა ისეთი ამომავალი ტრენდია მსოფლიოში, რომ ამ მხრივ დადგენილი დარღვევები, სულ რომ რაიმე ინტერესი აღმოჩნდეს საპირწონედ, რთულად წარმომიდგენია რომ მიიჩქმალოს. ეს მიმართულება უკიდურესად სენსიტიურია მწვავე რეაგირების თვალსაზრისით. ამ სფეროში მომუშავე საერთაშორისო ორგანიზაციებს და საერთაშორისო არასამთავრობო ორგანიზაციებს, პრაქტიკულად, ვერანაირი გეოპოლიტიკური თუ სტრატეგიული ინტერესებით ვერ აბალანსებენ ყველაზე გავლენიანი საერთაშორისო აქტორებიც კი.

ასე რომ, ივანიშვილის ადგილზე კარგად გავისიგრძეგანებდი კენიის ციხეში მთელი დეკადის გატარების ძალიან უსიამოვნო პერსპექტივას, რომელიც, თუ არ მეჩვენება, “მოულოდნელად” აკიაფდა ჰორიზონტზე", - წერს ნიკა გვარამია. 

შეგახსენებთ, კენიის პარლამენტმა ბიძინა ივანიშვილის ბაობაბთან დაკავშირებულ გარიგებებზე, კორუფციისა და თაღლითობის შესაძლო ფაქტების გამო გამოძიება დაიწყო

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს