2023-04-06 10:05:34, 787 ნახვა

---

თორნტონი სანქციებზე - მისასალმებელი სიგნალია „ოცნებისთვის“, რომ სამოქალაქო საზოგადოებასა და მედიაზე თავდასხმებს შედეგები მოჰყვება

მისასალმებელი სიგნალია "ქართული ოცნებისთვის", რომ სამოქალაქო საზოგადოებასა და მედიაზე სერიოზულ თავდასხმებს შედეგები მოჰყვება, - ასე ეხმაურება NDI-ის ოფისის ყოფილი ხელმძღვანელი ლორა თორნტონი აშშ-ის მიერ 4 ქართველი მოსამართლის დასანქცირებას.

როგორც თორნტონი სოციალურ ქსელში წერს, დასანქცირება დაგვიანებულიცაა.

"ეს დიდი ხანია დაგვიანებულიცაა. მისასალმებელი სიგნალია "ქართული ოცნებისთვის", რომ სამოქალაქო საზოგადოებასა და მედიაზე სერიოზულ თავდასხმებს შედეგები მოჰყვება. საქართველოს სასამართლო სისტემასთან დაკავშირებული ოთხი პირის მიმართ საჯარო ბრალდება სერიოზულ კორუფციაში მონაწილეობისთვის", - წერს NDI-ის ოფისის ყოფილი ხელმძღვანელი Twitter-ზე.

შეგახსენებთ, გუშინ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი