ნორვეგიამ რუსეთის წინააღმდეგ სანქციების ახალი პაკეტი დააწესა

2023-04-04 16:41:52, 1637 ნახვა

ომი უკრაინაში

ნორვეგიამ რუსეთის წინააღმდეგ სანქციების ახალი პაკეტი დააწესა. ამის შესახებ ნორვეგიის მთავრობის განცხადებაშია აღნიშნული.

ნორვეგიის მთავრობის განცხადების თანახმად, დასანქცირებულ პირთა ახალ სიაში რუსეთის ფედერაციის 87 ფიზიკური და 34 იურიდიული პირი მოხვდა.

გარდა ამისა, ნორვეგიის მთავრობამ, გაახანგრძლივა რუსების აქტივების გაყინვის ვალდებულება და ფასიანი ქაღალდებით ვაჭრობა.

მთლიანობაში ნორვეგიამ სანქციები რუსეთის 1 678 ფიზიკურ და იურიდიულ პირზე დააწესა.

შეგახსენებთ, ევროკავშირმა რუსეთის წინააღმდეგ სანქციების მე-10 პაკეტი უკრაინაში რუსეთის შეჭრის წლისთავზე დაამტკიცა, ევროკომისიის პრეზიდენტის, ურსულა ფონ დერ ლაიენის განცხადებით, ეს არის სანქციების ყველაზე მკაცრი პაკეტი, რაც ევროკავშირს აქამდე მიუღია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,