ჩვენ პროგნოზების გაკეთებას მოვერიდებით - უკვე გვაქვს ცუდი გამოცდილება, დაველოდოთ დეკემბერს,- ამის შესახებ "ქართული ოცნების" თავმჯდომარემ, ირაკლი კობახიძემ საქართველოსთვის ევროკავშირის კანდიდატი ქვეყნის სტატუსის მინიჭების საკითხთან დაკავშირებით განაცხადა. 

როგორც კობახიძემ ჟურნალისტებთან საუბრისას აღნიშნა, მმართველი პოლიტიკური გუნდი კანდიდატის სტატუსის მისაღებად ყველაფერს აკეთებს, ოპოზიცია კი ყველაფერს აკეთებს იმისთვის, რომ საქართველო სტატუსის გარეშე დარჩეს.

"ჩვენ ველოდებით დეკემბერს. დეკემბერში გადაწყდება კანდიდატის სტატუსის საკითხი. ჩვენ ყველაფერს ვაკეთებთ და გავაკეთებთ იმისთვის, რომ ქვეყანამ მიიღოს კანდიდატის სტატუსი. რაც შეეხება ოპოზიციას, ისინი ყველაფერს აკეთებენ იმისთვის, რომ მოხდეს საპირისპირო - ქვეყანამ არ მიიღოს კანდიდატის სტატუსი. უფრო მეტიც - ისინი ელოდებიან დეკემბერს, რომ არ მივიღოთ კანდიდატის სტატუსი, რათა ეს ყველაფერი გამოიყენონ ქვეყანაში არეულობის შემოტანისთვის.

ჩვენ პროგნოზების გაკეთებას მოვერიდებით, არ ვიცით რა გადაწყვეტილება იქნება მიღებული, ეს რომ იყოს სამართლიანი გადაწყვეტილება, რა თქმა უნდა, უპირობოდ მოგვენიჭება კანდიდატის სტატუსი, თუმცა ჩვენ გვაქვს უკვე ცუდი გამოცდილება შარშანდელი ივნისიდან, როცა ქვეყანას უსამართლოდ არ მიენიჭა კანდიდატის სტატუსი, იმედი გვაქვს, წელს დეკემბერში გადაწყვეტილება იქნება სამართლიანი, თუმცა დაველოდოთ დეკემბერს", - აცხადებს ირაკლი კობახიძე.

შეგახსენებთ, გასულ კვირას ევროპული საბჭოს პრეზიდენტმა, შარლ მიშელმა მოლდოვაში ვიზიტის დროს განაცხადა, რომ საქართველოს, უკრაინისა და მოლდოვის EU-ში გაწევრიანების საკითხზე მოლაპარაკებების პროცესის დაწყების შესახებ გადაწყვეტილება ევროპულმა საბჭომ წლის ბოლომდე უნდა მიიღოს.

მიმდინარე კვირაში კი, "რადიო თავისუფლების" ევროპის ბიუროს რედაქტორმა, რიკარდ იოზვიაკმა Twitter-ზე დაწერა, რომ ევროკომისია მაისში გამოაქვეყნებს განახლებას უკრაინის, მოლდოვისა და საქართველოს ევროკავშირში გაწევრიანების სტატუსის შესახებ და წინასწარი ვარაუდოთ, საქართველოსთვის კანიდატის სტატუსის მინიჭებაზე რეკომენდაციას გასცემს.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა