მთავრობის კანცელარიასთან დაკავებული აქტივისტის, 21 წლის ლაზარე გრიგორიადისის მხარდამჭერი აქცია მიმდინარეობს. აქციის ორგანიზატორები "ევროპული საქართველო" და მისი პარტნიორი ორგანიზაციები არიან. 

პროტესტს უერთდებიან სამოქალაქო აქტივისტები, მესამე სექტორის, მედიის წარმომადგენლები და ოპოზიციონერი პოლიტიკოსები. 

ახლაგაზრდების ერთადერთი მოთხოვნა ხელისუფლების მიერ დაანონსებული რეპრესიების შეწყვეტა და მათი თანატოლის ციხიდან გამოშვებაა.

იურისტი ოთარ კახიძე მიიჩნევს, რომ საზოგადოება ხელისუფლების რეპრესიებს ერთად დგომით უნდა დაუპირისპირდეს. მისი თქმით, ერთი და ორი აქტივისტის დაკავებით "ოცნება" ხალხის პროტესტს ვერ ჩააქრობს. 

"პუტინისტური კანონის მიღებას საზოგადოებამ უპასუხა მწვავე ლეგიტიმმური პროტესტით. ხელისუფლებამ უკან დაიხია, თუმცა ახლა ცდილობს, რომ შური იძიოს პროტესტის მონაწილეებზე, აქტივისტებზე. ამისთვის მათ გადაწყვიტეს, რომ სამაგალითოდ დასაჯონ ლაზარე გრიგორიადისი. აქცენტი გააკეთეს თან ჩაცმულობასა და გარეგნობაზე, რახან უმრავლესობას არ ჰგავს, ამ შემთხვევაში, დაკავებული აქტივისტი და მათი განზრახვა არის ასეთი პრიმიტიული და ჩვენი საზოგადოების ვალდებულებაა, რომ ამას დავუპირისპირდეთ. ცეცხლს თუ ვინმე ეთამაშება, ეს არის საქართველოს ხელისუფლება და თუ ჰგონიათ, რომ 1 ან 2 აქტივისტის დაკავებით და პატიმრობის შეფარდებით პროტესტს ჩააქრობენ და ქართველი ერის სურვილს და მისწრაფებას შეცვლიან, მწარედ ცდებიან, - ამბობს ოთარ კახიძე. 

შეგახსენებთ, რომ 31 მარტს თბილისის საქალაქო სასამართლომ მარტის აქციებზე დაკავებულ ლაზარე გრიგორიადისს აღკვეთის ღონისძიების სახით პატიმრობა შეუფარდა. უწყება მას "რუსული კანონის" გასაპროტესტებლად გამართულ აქციაზე პოლიციელებზე თავდასხმასა და სხვისი ნივთების დაზიანებას ედავება.

შსს-ს განცხადებით, მან 7 მარტს ორჯერ ისროლა ე.წ მოლოტოვის კოქტეილი სამართალდამცველების მიმართ, რის შედეგადაც რამდენიმე პოლიციელი დაშავდა. ასევე, დაწვა დაწვა პოლიციის კუთვნილი მანქანა.

საქმეზე გამოძიება სსკ-ის 353-ე პრიმა და 187-ე მუხლებით მიმდინარეობს. ბრალის დამტკიცების შემთხვევაში, დაკავებულს 7-დან 11 წლამდე პატიმრობა ემუქრება.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა