უკრაინამ შესაძლოა მიიღოს მსოფლიო სავალუტო ფონდიდან დღეს დამტკიცებული სესხის პირველი ტრანში უახლოეს მომავალში, თანხა 2,7 მილიარდი დოლარი.  ინფორმაციას უკრაინის ფინანსთა სამინისტრო ავრცელებს.

მანამდე ცნობილი გახდა, რომ საერთაშორისო სავალუტო ფონდის დირექტორთა საბჭომ დაამტკიცა ოთხწლიანი სესხის პროგრამა (Extended Fund Facility, EFF) რეკორდულ 15,6 მილიარდი დოლარი.

„მადლობელი ვართ ფონდის დირექტორთა საბჭოს გადაწყვეტილებისთვის [...] შედეგის მისაღწევად გაკეთდა უპრეცედენტო სამუშაო, რადგან ეს არის სავალუტო ფონდის დახმარების გამონაკლისი შემთხვევა მეომარი ქვეყნისთვის. EFF პროგრამა მნიშვნელოვნად გაიზრდება. გააძლიერებს ეკონომიკას და ფინანსურ სისტემას, ამავდროულად ხელს შეუწყობს დონორების მხრიდან დამატებითი ფინანსური რესურსების მობილიზებას. ამჟამად უკრაინა თანამშრომლობის ახალ ეტაპზეა როგორც საერთაშორისო სავალუტო ფონდთან, ასევე პარტნიორ ქვეყნებთან“, - განაცხადა უკრაინის ფინანსთა მინისტრმა სერგეი მარჩენკომ.
აშშ ემზადება უკრაინის შემდგომი დახმარებისთვის რაც მოიცავს რუსული აგრესიისგან დასაცავად იარაღს რადარებს, საწვავის სატვირთო მანქანებს, ტანკსაწინააღმდეგო რაკეტებს და საბრძოლო მასალას NASAMS-ის საზენიტო რაკეტების გამშვებისთვის.

დეტალები გადაწყდება შაბათ-კვირას და გამოცხადდება მომავალი კვირის დასაწყისში, იუწყება Reuters თავის წყაროებზე დაყრდნობით.

სამხედრო დახმარების ახალი პაკეტის ჯამური მოცულობა დაახლოებით $2,6 მილიარდია. მისი უმეტესი ნაწილი - 2,1 მილიარდი დოლარი - მოხმარდება შესყიდვებს ამერიკელი მწარმოებლებისგან, ხოლო დარჩენილი 500 მილიონი დოლარი იქნება იარაღი პენტაგონის მარაგიდან.

სულ რაღაც ერთი კვირის წინ შეერთებულმა შტატებმა გამოაცხადა უკრაინის 34-ე სამხედრო დახმარების პაკეტი. მასში შედიოდა, სხვა საკითხებთან ერთად, რაკეტები HIMARS-ისთვის, ტანკსაწინააღმდეგო იარაღები და მდინარის კატარღები, ჯამში $350 მილიონი.

ავტორი: ექსპრესნიუსი,

სოციალური ქსელები

გვარამია- პირველად ისტორიაში, ევროკავშირთან ბევრად ახლოს და რუსეთისგან ბევრად შორს არიან სომხები

უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი

პირველმა არხმა ფეხბურთში 2026 წლის მსოფლიო ჩემპიონატის ჩვენების ლიცენზია დაკარგა

საქართველოში შემაშფოთებელი ტენდენციებია - მედიის თავისუფლების კოალიციის 16 წევრი ქვეყანა