მარტის საპროტესტო აქციების უკან ჩვენ ვხედავთ საქართველოს ხელისუფლების პრაგმატული კურსით უკმაყოფილო დასავლეთის სურვილს,- ამის შესახებ რუსეთის საგარეო საქმეთა მინისტრის მოადგილემ, ​მიხაილ გალუზინმა განაცხადა.

გალუზინის თქმით, რუსეთსა და საქართველოს შორის ურთიერთობების სამომავლო ნორმალიზაცია „მთლიანობაში ხალხის ინტერესებს შეესატყვისება“.

„დარწმუნმებულები ვართ, რომ საერთო ისტორიითა და კულტურით გაერთიანებული, მილიონობით ადამიანის ბედით გადაჯაჭვული რუსეთისა და საქართველოს ურთიერთობების შემდგომი ნორმალიზაცია, სრულად შეესატყვისება ჩვენი ორი ქვეყნის ხალხების ინტერესებს“, - განაცხადა გალუზინმა.

მისივე თქმით, მოსკოვისა და თბილისის ერთობლივი მუშაობა „ორ სახელმწიფოს შორის ერთადერთი მოქმედი მაგისტრალის უწყვეტი ფუნქციონირების უზრუნველსაყოფად“ „რუსულ-ქართული წარმატებული თანამშრომლობის" მაგალითია.

„ქართული მხრიდან მიმდინარეობს საგზაო ინფრასტრუქტურის მოდერნიზება, მათ შორის ჯვრის უღელტეხილის ქვეშ გვირაბის მშენებლობა, ჩვენი მხრიდან ზემო ლარსის გამშვები პუნქტის გაფართოება. საზღვრის ორივე მხარეს მოქმედებები კოორდინირებულია, რათა არ მოხდეს ამ სატრანსპორტო არტერიის სიმძლავრის შემცირება“,- განაცხადა გალუზინმა.

გარდა ამისა, გალუზინის თქმით, საქართველოში ბოლოდროინდელი საპროტესტო გამოსვლები რუსეთთან ორმხრივ ურთიერთობებზე, შესაძლოა, უარყოფითად აისახოს.

„მარტის საპროტესტო აქციების უკან ჩვენ ვხედავთ საქართველოს ხელისუფლების პრაგმატული კურსით უკმაყოფილო დასავლეთის სურვილს, შეარყიოს ვითარება რესპუბლიკაში, დაარწმუნოს მისი ხელმძღვანელობა, უფრო აქტიურად დაუჭიროს მხარი უკრაინას, გაწყვიტოს კავშირი რუსეთთან“,- დასძინა გალუზინმა.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა