2023-03-26 13:20:50, 716 ნახვა
სამართალი
თბილისის სააპელაციო სასამართლოს უვადო მოსამართლე აშშ-ში, ემიგრაციაში წავიდა
თბილისის სააპელაციო სასამართლოს სისხლის სამართლის საქმეთა პალატის მოსამართლე მაკა გველესიანი, ამერიკის შეერთებულ შტატებში წავიდა. TV პირველთან მოსამართლის სამსახურიდან წასვლას ადასტურებს იუსტიციის უმაღლესი საბჭოს წევრი და თბილისის სააპელაციო სასამართლოს ადმინისტრაციულ საქმეთა პალატის მოსამართლე ლევან მურუსიძე. "საბჭოს მიმართა წერილით, ჩვენ დავუკავშირდით და დაგვიდასტურა, რომ წავიდა, წავიდა… განცხადებაში დაწერა, რომ ის პირადი, ოჯახური პირობების გამო და ნებაყოფლობით… ადამიანი იცვლის ხოლმე სამსახურს. ერთი სამსახურიდან გადადის მეორეში, გადადის საცხოვრებლად სხვა ქვეყანაში... მოითხოვა, რომ მას მოხსნოდა უფლებამოსილება და შეუწყდა უფლებამოსილება", — თქვა მურუსიძემ. გარდა ამისა, ლევან მურუსიძე ამბობს, რომ ქვეყნიდან წასვლაზე მასაც უფიქრია. მიზეზად კი ჟურნალისტებს ასახელებს, აცხადებს, თითქოს მედიის გამო, "მძიმე პირობებში უწევთ მუშაობა". "თუ კაციშვილი შენს სახელს აღარ ახსენებს, არ გაბულინგებენ, ჟურნალისტები ხან სად მელოდებიან, ხან სად... მიფიქრია, როგორ არ მიფიქრია, მაგრამ საბოლოოდ იმდენი რამე გააკეთეთ, მეთქი არ ღირს სასამართლო სისტემაზე უარი ვთქვა", — ეუბნება მურუსიძე ჟურნალისტს. გველესიანი 2006-2013 წლებში თბილისის საქალაქო სასამართლოს მოსამართლე იყო, 2013-2016 წლებში რუსთავის. 2016-2019 წლებში იყო თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის მოსამართლე. 2017 წელს თანამდებობაზე უვადოდ დაინიშნა, 2019 წლის სექტემბრიდან კი იყო თბილისის სააპელაციო სასამართლოს სისხლის სამართლის საქმეთა პალატის მოსამართლე. ავტორი: ექსპრესნიუსი, „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|