შინაგან საქმეთა სამინისტრო მუხიანში მომხდარ მკვლელობასთან დაკავშირებით განცხადებას ავრცელებს. როგორც უწყების განცხადებაშია ნათქვამი, დაკავებულია 1984 წელს დაბადებული პირი, რომელმაც ურთიერთშელაპარაკების ნიადაგზე, 1959 წელს დაბადებულ მამაკაცს ცივი იარაღით ათეულობით ჭრილობა მიაყენა, შემდეგ კი, კვალის დაფარვის მიზნით, ცხედარს ცეცხლი წაუკიდა და ადგილიდან მიიმალა.

შსს-ს ცნობით, დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

"თბილისის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, 1984 წელს დაბადებული ე.ა. განსაკუთრებული სისატიკით ჩადენილი განზრახ მკვლელობის ბრალდებით, დააკავეს.

გამოძიებით დადგინდა, რომ ბრალდებულმა მიმდინარე წლის 22 მარტს, თბილისში, ურთიერთშელაპარაკების ნიადაგზე, ცივი იარაღით ათეულობით ჭრილობა მიაყენა ნაცნობს - 1959 წელს დაბადებულ რ.მ.-ს, შემდეგ კი, კვალის დაფარვის მიზნით, ცხედარს ცეცხლი წაუკიდა და შემთხვევის ადგილიდან მიიმალა.

პოლიციამ, ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულში ბრალდებული ე.ა. მომხდარიდან რამდენიმე საათში დააკავა.

გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მიმდინარეობს, რაც განსაკუთრებული სისატიკით ჩადენილ განზრახ მკვლელობას გულისხმობს", - ნათქვამია შსს-ს ინფორმაციაში.

შეგახსენებთ, მუხიანში, ერთ-ერთი საცხოვრებელი კორპუსის ლიფტში მამაკაცის ცხედარი გუშინ, 22 მარტს იპოვეს. 

ავტორი: ექსპრესნიუსი,

სოციალური ქსელები

ბორელი - რუსეთს მოლაპარაკების სურვილი არ ექნება იქამდე, სანამ უკრაინაში ომის მოგებას ჯერ კიდევ ცდილობს

სალომე ზურაბიშვილი სამუშაო ვიზიტით ბრიუსელში გაემგზავრა, სადაც ის ევროპარლამენტს მიმართავს

ოჯახის წევრის განზრახ მკვლელობის და არასრულწლოვანი შვილის მიმართ ძალადობის ფაქტებზე ბრალდებულს, უვადო თავისუფლების აღკვეთა მიესაჯა

მალიარი - ბახმუტში მტრის შეტევითი მოქმედებების ინტენსივობა არსებითად შემცირდა