2023-03-22 11:33:24, 1301 ნახვა
ომი უკრაინაში
რუსებმა კიევის ოლქზე დრონებით იერიში მიიტანეს - დაღუპულია 3 ადამიანი
რუსმა ოკუპანტებმა ღამით კიევის ოლქის ქალაქ რჟიშევზე დრონებით იერიში მიიტანეს. უკრაინული მედია კიევის საოლქო ადმინისტრაციასა და პოლიციაზე დაყრდნობით იუწყება, რომ თავდასხმის შედეგად 3 ადამიანი დაიღუპა, 7 კი დაშავდა.
მათივე ინფორმაციით, დაზიანებულია საერთო საცხოვრებელი. შემთხვევის ადგილზე მაშველები ნანგრევებში მოყოლილ 4 ადამიანს ეძებენ.
პოლიციის სპიკერის, ირინა პრიანიშნიკოვას განცხადებით, იერიშის შემდეგ, საავადმყოფოებში 20 ადამიანი გადაიყვანეს.
ავტორი: ექსპრესნიუსი,
epn.ge (@expressnews.ge)
