ესპანეთის დედაქალაქ მადრიდში ვიზიტით მყოფი თბილისის მერი დავით ნარმანია და  მერის მოადგილე ალუდა გოგლიჩიძე ესპანეთის ოლიმპიური კომიტეტის პრეზიდენტს ალეხანდრო ბლანკოს შეხვდნენ.

მერიის პრესსამსახურის ინფორმაციით, შეხვედრაზე საუბარი შეეხო ევროპის ახალგაზრდული ოლიმპიური ფესტივალისთვის - „თბილისი 2015" მზადებას. თბილისის მერმა განსაკუთრებული აქცენტი ფესტივალის შემდგომ, ოლიმპიადის ფარგლებში დედაქალაქში აშენებული ობიექტების დატვირთვაზე გაამახვილა. ალეხანდრო ბლანკომ დავით ნარმანიას ამ კუთხით ესპანეთის გამოცდილება გაუზიარა.

ალეხანდრო ბლანკოს თქმით, ესპანეთს საერთაშორისო სპორტული ღონისძიებების  ჩატარების დიდი გამოცდილება აქვს  და  იგი საქართველოს დაეხმარება როგორც ევროპული გამოცდილების გაზიარებაში, ისე საერთაშორისო კონგრესებისა და სპორტული ღონისძიებების ორგანიზებაში.

დავით ნარმანიამ ესპანეთის ოლიმპიური კომიტეტის პრეზიდენტი  ივლისში, ევროპის ახალგაზრდულ ოლიმპიურ ფესტივალზე მოიპატიჟა. მანამდე კი ალეხანდრო ბლანკო თბილისს ობიეტების დასათვალიერებლად ეწვევა.

ალეხანდრო ბლანკოსთან შეხვედრამდე დავით ნარმანია  სპორტის საკითხებში ესპანეთის სახელმწიფო მდივანს მიგელ კარდინალ კაროს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა