სადაც არაობიექტური კრიტიკა გვხვდება, გვექნება ჩვენი პასუხი,- ამის შესახებ "ქართული ოცნების" თავმჯდომარე, ირაკლი კობახიძემ ამერიკის შეერთებული შტატების სახელმწიფო დეპარტამენტის ანგარიშზე განაცხადა.

მისი თქმით, გარკვეული კრიტიკული შენიშვნები ობიექტურ გარემოებებზე უნდა იყოს დაფუძნებული.

"ჩვენ არაერთხელ გვისაუბრია იმაზე, რომ კონკრეტული ორგანიზაციები არიან უცხოური გავლენის აგენტები, შესაბამისად, აქ ერთ სუბიექტთან გვაქვს ჩვენ საქმე, რაც წერია სახ.დეპის ანგარიშში და რასაც ამბობენ NGO-ები, ეს პრაქტიკულად ერთი და იგივეა, აქედან გამომდინარე, გამიჯვნა შეუძლებელია ამ ორ განცხადებებს შორის. ეს არის ჩვენი ზოგადი დამოკიდებულება.

კიდევ ერთხელ გავიმეორებ, ჩვენთვის მთავარია, როდესაც გარკვეული კრიტიკული შენიშვნები გვესმის დაფუძნებული იყოს ობიექტურ გარემოებებზე. თუ იქნება ობიექტური კრიტიკა, რა თქმა უნდა მხედველობაში მივიღებთ და ყველანაირად ვეცდებით, რომ აისახოს ეს ყველაფერი ჩვენს ქმედებებზე. თუ არ იქნება კრიტიკა ობიექტური, ამაზე გვექნება სათანადო რეაქცია, რაშიც იგულისხმება, რომ პასუხს გავცემთ ყველა შესაბამის განცხადებას",- განაცხადა კობახიძემ.

მისივე თქმით,ერთმანეთისგან უნდა გაიმიჯნოს ობიექტურ არგუმენტებზე დაფუძნებული კრიტიკა და არაობიექტური კრიტიკა.

"რაც შეეხება ე.წ პოლიტპატიმრებს, საუბარია რამდენადაც ვიცი იმაზე, რომ ენჯეოების განცხადებების მიხედვით, სააკაშვილი და გვარამია ყოფილან პოლიტპატიმრები. მე სააკაშვილთან დაკავშირებით ენჯეოების განცხადებაც არ მომისმენია. ყველამ იცის, რომ სააკაშვილი სასჯელს იხდის ორ კონკრეტული ბრალისთვის. ერთი ეხება გირგვლიანის მკვლელების შეწყალებას, რაზეც მისი დანაშაულებრივი ქმედება დადასტურებული აქვს სტრასბურგის სასამართლოსაც. აქ პოლიტმატიმრობაზე საუბარი ზედმეტია. მეორე ეხება ვალერი გელაშვილის წამებას. ესეც დადასტურებულია. საზოგადოებამ იცის, როგორ იქნა ჩადენილი ეს დანაშაული. გარდა ამისა, მას დაუფიქსირდა უკანონო საზღვრის კვეთა, რის გამოც მის წინააღმდეგ არის საქმე აღძრული. ასევე, საქმე არის აღძრული უმძიმეს კორუფციულ სკანდალთან დაკავშირებით, სადაც მილიონობით ლარის სახელმწიფო ბიუჯეტის გაფლანგვაზეა საუბარი. ამ ყველაფრის გათვალისწინებით, კიდევ ერთხელ გავიმეორებ, ჩვენ ერთმანეთისგან უნდა გავმიჯნოთ ობიექტურ არგუმენტებზე დაფუძნებული კრიტიკა, არაობიექტური კრიტიკისგან, სადაც იქნება ობიექტური კრიტიკა, იქ რა თქმა უნდა ამას გავიზიარებთ, სადაც ასეთი არაობიექტური კრიტიკა გვხვდება, აქ გვექნება ჩვენი პასუხი",- დასძინა კობახიძემ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა