გუშინ ირაკლი ღარიბაშვილმა ევროპარლამენტიდან უმკაცრესი წერილი მიიღო, რომელიც ეხება მარტის საპროტესტო აქციებს,- ამის შესახებ ცოტახნის წინ  „დროას“ ლიდერმა ელენე ხოშტარიამ ბრიფინგზე განაცხადა.

ხოშტარიას თქმით, წერილი შეიცავს ძალიან მკაცრ გაფრთხილებას, რომ მშვიდობიანი პროტესტანტების უფლებები სრულად იყოს დაცული. 

ხოშტარიას თქმითვე, წერილში, ასევე, საუბარია ე.წ. აგენტების შესახებ კანონპროექტზე და აღნიშნულია, რომ ამ კანონის დღის წესრიგში დაბრუნება საქართველოსთვის ყველანაირ პერსპექტივას დახურავს.

"გუშინ ირაკლი ღარიბაშვილმა ევროპარლამენტიდან უმკაცრესი წერილი მიიღო, რომელიც ეხება მარტის საპროტესტო აქციებს, კერძოდ, ძალიან მკაცრ გაფრთხილებას, რომ მშვიდობიანი პროტესტანტების უფლებები სრულად იყოს დაცული. ასევე, ძალიან მკაცრად არის საუბარი იმაზე, რომ ფიქრიც კი კანონის დღის წესრიგში დაბრუნებაზე დახურავს საქართველოსთვის ყველანაირ პერსპექტივას და ამისთვის საქართველოს მთავრობა დაისჯება. ბუნებრივია, ამ წერილს ირაკლი ღარიბაშვილი არ გამოაქვეყნებდა და ეცდებოდა, რომ კარგად დაემალა, მაგრამ ვაქვეყნებთ ამ წერილს და შეგიძლიათ ნახოთ, რამხელა მნიშვნელობას ანიჭებენ პარტნიორები მშვიდობიანი პროტესტანტების, ახალგაზრდების და არასამთავრობო სექტორის უფლებების დაცვას",- განაცხადა ხოშტარიამ.

შეგახსენებთ, რომ 10 მარტს საქართველოს პარლამენტმა „უცხოური აგენტების შესახებ“ კანონპროექტი მეორე მოსმენით ჩააგდო. საკანონმდებლო ორგანოს პლენარულ სხდომას 112 დეპუტატი ესწრებოდა. მათგან კანონპროექტის წინააღმდეგ 35 კანონმდებელი წავიდა, 1-მა კი, მხარი დაუჭირა.

ანტიდასავლური მოძრაობა "ხალხის ძალის" კანონპროექტი ვენეციის კომისიიდან პარლამენტის თავმჯდომარემ, შალვა პაპუაშვილმა გუშინ, 9 მარტს გამოიწვია. გამოწვევის გადაწყვეტილება „ქართული ოცნების“ პოლიტიკურმა საბჭომ, „ხალხის ძალამ“ და საპარლამენტო უმრავლესობამ მას შემდეგ მიიღო, რაც პარლამენტის შენობასთან არაერთი მასობრივი საპროტესტო აქცია გაიმართა.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის