2023-03-21 09:31:27, 1446 ნახვა
ომი უკრაინაში
უკრაინის თავდაცვა - ოკუპირებული ყირიმის, ქალაქ ჯანკოიში რუსული საკრუიზო რაკეტები განადგურდა
რუსეთის მიერ ოკუპირებული ყირიმის, ქალაქ ჯანკოიში „კალიბრის“ ტიპის რუსული ფრთოსანი რაკეტები განადგურდა. აღნიშნულის შესახებ უკრაინის თავდაცვის სამინისტროს დაზვერვის მთავარ სამმართველოში აცხადებენ.
როგორც უკრაინის დაზვერვაში აცხადებენ, ფრთოსანი რაკეტები მათი რკინიგზით ტრანსპორტირების დროს განადგურდა.
„დროებით ოკუპირებული ყირიმის ჩრდილოეთით მდებარე ქალაქ ჯანკოიში აფეთქებამ გაანადგურა რუსული კალიბრის საკრუიზო რაკეტები მათი სარკინიგზო ტრანსპორტირების დროს“,- აღნიშნულია განცხადებაში.
ამასთან, როგორც ანექსირებული ყირიმის ე.წ. ხელმძღვანელმა, სერგეი ასკიონოვმა განაცხადა, დარტყების შედეგად ერთი ადამიანი დაშავდა, ხოლო რამდენიმე ობიექტი დაზიანდა.
ავტორი: ექსპრესნიუსი,
epn.ge (@expressnews.ge)
