2023-03-19 18:18:32, 1127 ნახვა
პოლიტიკა
ვოლსკი - თავისუფლებისთვის არავინ ისჯება - თუ ხელისუფლება ნაბიჯს დგამს, ეს რუსეთის ინტერესების გათვალისწინებით არ ხდება
პარლამენტის პირველი ვიცე-სპიკერის, გია ვოლსკის განცხადებით, უმრავლესობის სხდომაზე "ცალკეულ პიროვნებებზე", მათ შორის განათლების მინისტრის კანდიდატზეც ისაუბრეს. როგორც ვოლსკიმ მედიის წარმომადგენლებს უთხრა, მთავრობის წევრებმა და კანონმდებლებმა პოლიტიკური პროცესების გარდა, სოციალური საკითხებიც განიხილეს. "ყველაფერზე იყო საუბარი, ნებისმიერ მიმდინარე პროცესზე. მთავრობის წევრებიც იყვნენ, პარლამენტარების დიდი ჯგუფი იყო, მაგრამ პოლიტიკური პროცესების გარდა, არის მთელი რიგი საკითხები, რომლებიც საგანგებოდ მნიშვნელოვანია - სოციალური საკითხები, "მთის კანონთან" დაკავშირებით ვილაპარაკეთ, ასევე ვილაპარაკეთ ცალკეულ პიროვნებებთან დაკავშირებითაც, რასაკვირველია, მინისტრის კანდიდატზეც იყო საუბარი", - განაცხადა ვოლსკიმ. პირველმა ვიცე-სპიკერმა კომენტარი გააკეთა ასევე უმრავლესობის წევრის, დავით სერგეენკოს მიერ პარტიის რიგების შესაძლო დატოვებაზე და გამოთქვა იმედი, რომ სერგეენკო, რომელიც "ქართული ოცნების" მშენებლობაში მონაწილეობდა, მმართველ გუნდს არ გაემიჯნება. "ადამიანები თავისუფლები არიან და თავისი თავისუფლებისთვის არავინ არ ისჯება განსხვავებით იმ პერიოდისგან, როდესაც ის პარტია განაგებდა, რომელიც დღეს განაგებს თქვენს ტელევიზიას. ეს არის რეალობა. მედიასაშუალებები ცდილობენ, ამისგან შექმნან ისეთი ტრაგედია, რომ თითქოს რაღაც რღვევა და ნგრევა მიმდინარეობს ქვეყანაში. ყველა ადამიანი არის თავისუფალი თავის გადაწყვეტილებაში, მაგრამ ყველამ უნდა იცოდეს, რომ თუკი, საქართველოს ხელისუფლება რამე ნაბიჯს დგამს, ეს არავის ინტერესების გათვალისწინებით არ ხდება, მით უმეტეს რუსეთის ინტერესების გათვალისწინებით. დარწმუნებული ვარ, რომ დავით სერგეენკო, რომელიც ამ პარტიის მშენებლობაში ღებულობდა მონაწილეობას, არანაირ პოლიტიკურ გამიჯვნას არ გააკეთებს. რა გადაწყვეტილებას მიიღებს ის პარლამენტთან მიმართებაში - იქნება თუ არ იქნება, წავა თუ არ წავა, ეს მასზეა დამოკიდებული", - ამბობს გია ვოლსკი. ცნობისთვის, გუშინ, 18 მარტს ბორჯომში უმრავლესობის სხდომა გაიმართა. ავტორი: ექსპრესნიუსი, ირაკლი კობახიძე - გახარიას მაგალითი არის ერთ-ერთი საუკეთესო, რომელიც აჩვენებს, რამდენად დაუშვებელია რომელიმე აგენტის ძალაუფლებასთან გაკარება
ანკარაში, ტერაქტის შედეგად. დაიღუპა ხუთი ადამიანი, დაშავდა 22
კობახიძე - დღეს ძალიან ინერვიულა მთელმა ოპოზიციამ, სალომე ზურაბიშვილმა - ინერვიულონ, ჩვენ შეგვიძლია, ცივი წყალი გავუგზავნოთ
მამუკა მდინარაძემ თბილისში, „ქართული ოცნების“ საარჩევნო კამპანიის დასკვნით ღონისძიებაზე მოქალაქეებს მიმართა
|
ომი უკრაინაშიპესკოვი - პუტინი, უკრაინის კონფლიქტის დარეგულირებასთან დაკავშირებით, BRICS-ის მონაწილეების ძალისხმევას მიესალმება
ოსტინი - უკრაინას აქვს მრავალი შესაძლებლობა, რომელიც ჩვენ მივაწოდეთ დრონების სახით - მას გამარჯვება შეუძლია
არჩევნები 2024
სადამკვირვებლო ორგანიზაციები საარჩევნო ადმინისტრაციას მიმართავენ
26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენს
ვიდეო/LIVE საქართველოს დამოუკიდებლობის დღე - პირდაპირი
ევროკავშირის 13 ქვეყანა: საქართველო ვერ გახდება ევროკავშირის წევრი, თუ კურსს არ შეცვლის
მთავარი თემა
|