2023-03-17 09:47:45, 335 ნახვა
პოლიტიკა
დემოკრატიის განმტკიცების მიზნით, ბრიტანეთი საქართველოს 500 000 ფუნტ სტერლინგს გამოუყოფს
![]() ბრიტანეთის საგარეო, თანამეგობრობისა და განვითარების საქმეთა სახელმწიფო მდივანი ჯეიმს კლევერლი საქართველოსა და მოლდოვაში ვიზიტისას ახალ ფინანსურ დახმარებას გამოაცხადებს, რათა გაზარდოს რეგიონული მდგრადობა რუსეთის მავნე ჩარევის წინააღმდეგ. გაერთიანებული სამეფო ხაზს უსვამს ორ ქვეყანაში ტერიტორიული მთლიანობისა და სუვერენიტეტის მხარდაჭერის აუცილებლობას, რათა რუსეთის უკრაინაში უკანონო შეჭრის ფონზე, საფრთხეს გაუმკლავდნენ. დაფინანსება ანტიკორუფციულ პროგრამებს ეფუძნება და ხელს შეუწყობს მმართველობის რეფორმებს და სამართლიან არჩევნების ჩატარებას. საქართველოში დემოკრატიის განმტკიცების მიზნით, დიდი ბრიტანეთი 500 000 ფუნტ სტერლინგს გამოყოფს, რომელიც მიზნად ისახავს 2024 წელს თავისუფალი და სამართლიანი არჩევნებისთვის გარემოს შექმნას და მათ დაცვას გარე ჩარევისგან. "ჩვენ უნდა გავაძლიეროთ მოლდოვასა და საქართველოს გამძლეობა რუსეთის ჰიბრიდული საფრთხეების მიმართ, დავიცვათ მათი ხალხის დემოკრატიული არჩევანი და დავიცვათ ისინი კარის ზღურბლზე არსებული საფრთხისგან. ორივე ქვეყანა დაუცველია, რადგან ისინი განიცდიან კრემლის ჰიბრიდული ტაქტიკის, აგრესიის და რეგიონზე რუსეთის კონტროლის გაფართოების მცდელობებს. დიდი ბრიტანეთი გამოავლენს ურყევ ერთგულებას მათი ტერიტორიული მთლიანობისა და სუვერენიტეტის დასაცავად",- განაცხადა ჯეიმს კლევერლიმ. შეგახსენებთ, რომ 16 მარტს, საქართველოს, გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანი ჯეიმს კლევერლი ეწვია. აღსანიშნავია, რომ ვიზიტის დროს ჯეიმს კლევერლი შეხვდება ქართველ კოლეგას, ილია დარჩიაშვილს და საქართველოს მთავრობის მეთაურს, ირაკლი ღარიბაშვილს. ამასთან, ის ეწვევა საოკუპაციო ხაზს და ადგილზე გაეცნობა არსებულ ვითარებას. 2016 წლის შემდეგ, ეს გაერთიანებული სამეფოს საგარეო და თანამეგობრობის საქმეთა სახელმწიფო მდივნის პირველი ვიზიტია საქართველოში.
კენტუკის შტატში სამხედრო ვერტმფრენები ერთმანეთს შეეჯახნენ - არის მსხვერპლი
ბრიტანული დაზვერვა - რუსეთი 400 000 „მოხალისის“ მობილიზებას გეგმავს
საქსტატი - 2022 წელს საქართველოში 6 799 ადამიანით მეტი გარდაიცვალა, ვიდრე დაიბადა
კუპატაძე - დაკავებულია 10-ზე მეტი ნარკორეალიზატორი - დღის ბოლომდე დაკავებულების რაოდენობა, სულ მცირე, გაორმაგდება
|
ომი უკრაინაში![]() უკრაინის გენშტაბი - უკრაინელებმა ოთხი მიმართულებით რუსეთის 60-ზე მეტი თავდასხმა მოიგერიეს
![]() გენპროკურატურა - ომის დაწყებიდან დღემდე უკრაინაში 466 ბავშვი დაიღუპა, ხოლო 943-ზე მეტი დაშავდა
![]() უკრაინის გენშტაბი - საომარი მოქმედებების დაწყებიდან დღემდე, უკრაინაში 172 900-მდე რუსი ჯარისკაცი მოკლეს
ვიდეო/LIVE როგორ ვითარდება მოვლენები რუსთაველზე - აქციის დარბევა.
შერჩევითი სამართალი, მოსმენები და ოპონენტების პოლიტიკური დევნა - Amnesty International-ის ანგარიში
დღის თემა
|