2023-03-15 18:50:10, 831 ნახვა

---

ALDE-ს პრეზიდენტი - მხარს ვუჭერთ საქართველოსთვის EU-ს კანდიდატის სტატუსის მინიჭებას, თუმცა გვინდა ნამდვილი რეფორმების დანახვა

ჩვენ მხარს ვუჭერთ საქართველოსთვის ევროკავშირის კანდიდატის სტატუსის მინიჭებას, თუმცა მანამდე გვინდა დავინახოთ რეფორმები, ოღონდ ნამდვილი და არა ყალბი, - ამის შესახებ ევროპის ლიბერალთა და დემოკრატთა ალიანსის პრეზიდენტმა ილჰან კიუჩუკიმ განაცხადა.

მისივე თქმით,  ევროპის ლიბერალთა და დემოკრატთა ალიანსი ამ მძიმე პერიოდში ქართველი ხალხის გვერდით დგანან.

მან დასძინა, რომ ფუნდამენტური უფლებებისა და ევროპული ფასეულობების პატივისცემას მოაქვს კანონის უზენაესობა.

"საქართველოს დემოკრატიისთვის ამ რთულ დროს ჩვენ ქართველი ხალხის, ასევე ქართველი ლიბერალებისა და დემოკრატების გვერდით ვდგავართ. ჩვენ მხარს ვჭერთ საქართველოსთვის ევროკავშირის კანდიდატის სტატუსის მინიჭებას, თუმცა მანამდე გვინდა დავინახოთ რეფორმები, ოღონდ ნამდვილი და არა ყალბი. რეფორმებს, ფუნდამენტური უფლებებისა და ევროპული ფასეულობების პატივისცემას მოაქვს კანონის უზენაესობა", - განაცხადა ილჰან კიუჩუკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი