ამერიკული უპილოტო საფრენი აპარატი MQ-9 შავ ზღვაში საკუთარი მკვეთრი მანევრირების გამო ჩავარდა, რუსული "სუ-27" კონტაქტში არ შესულა, - რუსეთის თავდაცვის სამინისტრო შავ ზღვაში ჩავარდნილი დრონის ინციდენტს ეხმაურება

მათივე განმარტებით, შემთხვევა ყირიმის რეგიონში მოხდა. უპილოტო საფრენი აპარატი გამორთული ტრანსპონდერებით გაფრინდა რუსეთის მიმართულებით და საომარი მოქმედებების ჩასატარებლად დაწესებული საჰაერო სივრცე დაარღვია. 

„მოსკოვის დროით დაახლოებით 9:30 საათზე მკვეთრი მანევრირების შედეგად MQ-9 უპილოტო საფრენი აპარატი უკონტროლო ფრენაში შევიდა და წყლის ზედაპირს შეეჯახა“, - აცხადებენ რუსეთის თავდაცვის სამინისტროში.

საპასუხოდ, თეთრი სახლის ეროვნული უსაფრთხოების საბჭოს სტრატეგიული კომუნიკაციების ხელმძღვანელმა, ჯონ კირბიმ განაცხადა, რომ ამერიკის შეერთებულმა შტატებმა მიიღო ზომები, რომ შავ ზღვაში ჩავარდნილი დრონი უცხო ხელში არ მოხვდეს. ინციდენტის შესახებ ინფორმირებული იყო აშშ-ის პრეზიდენტი ჯო ბაიდენიც. სახელმწიფო დეპარტამენტმა ასევე დაიბარა რუსეთის ელჩი ანატოლი ანტონოვი. 

ცნობისთვის, გუშინ, 14 მარტს რუსული "სუ-27" მოიერიშე თვითმფრინავი შავი ზღვის თავზე ამერიკულ სადაზვერვო დრონს - MQ-9-ს შეეჯახა.

ავტორი: ექსპრესნიუსი,

სოციალური ქსელები

ექიმებისა და ექთნების მინიმალური საათობრივი ანაზღაურების ელექტრონული პორტალი შეიქმნა

გორის სკოლიდან გაათავისუფლეს მასწავლებელი, რომელმაც მოსწავლეზე სავარაუდოდ, იძალადა

წილოსანი - ქალების უფლებების დაცვის მოტივით, პოლიტიკურ ტალახს რომ ზელენ, პასუხის ღირსადაც არ ვთვლი

პროკურატურაში თანამედროვე ციფრული ტექნოლოგიური სისტემის პრეზენტაცია გაიმართა