სამწუხაროა ის, რასაც ვხედავთ - რადიკალიზმი წარმოშობს რადიკალიზმს, ასეთი ქვეცა მიუღებელია, ვისგანაც არ უნდა მოდიოდეს, - ასე ეხმაურება პარლამენტის თავმჯდომარე შალვა პაპუაშვილი „ალტ-ინფოს“ წევრების მიერ პარლამენტთან აღმართული ევროკავშირის დროშის დაწვას. 

პაპუაშვილის თქმით, ევროკავშირის დროშა აღდგება და ისევ აღიმართება საკანონმდებლო ორგანოს წინ. 

"ევროკავშირის, როგორც სხვა ქვეყნების დროშების შებღავლა, როდესაც აღმართულია ადმინისტრაციული შენობის წინ, დასჯადი გახდა და რა თქმა უნდა, იყო განცხადება შინაგან საქმეთა სამინისტროსგან და ყველა პირი, ვინც შებღავლა დროშა იქნება იდენტიფიცირებული და ადმინისტრაციული წესით დასჯილი. სამწუხაროა ის, რასაც ვხედავთ - რადიკალიზმი წარმოშობს რადიკალიზმს. ასეთი ქვეცა მიუღებელია, ვისგანაც არ უნდა მოდიოდეს ეს. ევროკავშირის დროშა, რომელიც დაზიანებულია, აღდგება და პატივით დაბრუნდება თავის ადგილას",- განაცხადა პაპუაშვილმა. 

შეგახსენებთ, რომ ცოტა ხნის წინ, პრორუსული მოძრაობა „ალტ-ინფოს“ წევრებმა პარლამენტთან აქცია გამართეს და ევროკავშირის დროშა დაწვეს. ადგილზე იმყოფებოდა პოლიცია, თუმცა ძალადობრივი ჯგუფისთვის ხელი არ შეუშლია. 

შინაგან საქმეთა სამინისტრომ პარლამენტთან აღმართული ევროკავშირის დროშის ჩამოხსნისა და დაწვის ფაქტზე, ადმინისტრაციული წარმოება დაიწყო 

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება