23:50 - 26 Feb, 2024
რეკლამა/ხელმოწერა
2023-03-13 17:01:05, 631 ნახვა

ეკონომიკა
დავითაშვილი - იანვარში დაფიქსირებული ეკონომიკური ზრდის მაჩვენებელი ყველა საერთაშორისო პროგნოზზე მეტია

მიუხედავად რთული პირობებისა, რომელიც არამხოლოდ საქართველოში, ასევე რეგიონში შენარჩუნებულია და პროგნოზებიც გლობალური ეკონომიკის მიმართულებით არც ისე სახარბიელოა, დავინახეთ, რომ 2023 წელს ჩვენს ქვეყანაში გაგრძელდა  მნიშვნელოვანი ეკონომიკური ზრდა - წინასწარი მონაცემები იანვრისთვის იყო 8.4 პროცენტი,  რაც საკმაოდ მაღალია და ეს მაჩვენებელი ყველა საერთაშორისო პროგნოზზე მეტია, - ამის შესახებ ლევან დავითაშვილმა მთავრობის ადმინისტრაციაში გამართულ ბრიფინგზე განაცხადა, სადაც „საქსტატის" მიერ გამოქვეყნებული ეკონომიკური მაჩვენებლები შეაფასა.

ვიცე-პრემიერი იმედოვნებს,  რომ ეს ტენდენცია მიმდინარე წლის განმავლობაშიც შენარჩუნდება.

„ასევე მნიშვნელოვანია აღინიშნოს, რომ ამ მაღალი ეკონომიკური ზრდის პირობებში, მთელი გასული წლის განმავლობაში გვქონდა ინფლაციის წნეხი, თუმცა, მაისის თვიდან ინფლაციამ დაიწყო შემცირება და 2023 წლის თებერვლის მონაცემებით, ინფლაცია 8.1 პროცენტამდეა შემცირებული" - განაცხადა ლევან დავითაშვილმა.

ეკონომიკის მინისტრმა ასევე ხაზი გაუსვა ექსპორტის მაჩვენებლებს, რომელიც, მისი თქმით, რეკორდული იყო 2022 წელს და ზრდის ტენდენცია მიმდინარე წელსაც გრძელდება.

„გახსოვთ, რომ შარშან 31.8 პროცენტით გაიზარდა ექსპორტი და 5.6 მილიარდი აშშ. დოლარი შეადგინა. რაც შეეხება მიმდინარე წელს, მიუხედავად იმისა, რომ საკმაოდ გამყარდა ეროვნული ვალუტა, ვინარჩუნებთ ექსპორტის ზრდის ტენდენციებს. ჩვენთვის მთავარია, რომ საქართველო იყოს ექსპორტიორი ქვეყანა, რომელსაც  გააჩნია კონკურენტუნარიანობა გლობალურ ბაზრებზე და ექსპორტში ჰქონდეს უკეთესი, უფრო ძლიერი პოზიციები. ეს არის მნიშვნელოვანი პირობა იმისთვის, რომ ჩვენი ეკონომიკა კიდევ უფრო ჯანსაღი იყოს" - აღნიშნა ვიცე-პრემიერმა.

მისივე ინფორმაციით, გასული წლის მეოთხე კვარტლის დაზუსტებული მონაცემებით დასაქმების მნიშვნელოვანი ზრდა დაფიქსირდა, რაც ბოლო პერიოდის განმავლობაში საუკეთესო შედეგია.




ავტორი: NS (სტატია დაფინანსებულია),


სოციალური ქსელები
მაკრონი - ჩვენი უსაფრთხოება სასწორზე დევს - რუსეთმა უკრაინაში მიმდინარე ომში არ უნდა გაიმარჯვოს
ორბანი ნავალნიზე - ვინც რუსეთ-საქართველოს ომის დროს ქართველებს ვირთხებს ეძახდა, პარლამენტში ფეხზე არ უნდა წამოუდგნენ
უნგრეთის პარლამენტმა ქვეყნის ახალ პრეზიდენტად ტომას შუიოკი აირჩია
ულფ კრისტენსონი - შვედეთი მზად არის, ევროატლანტიკური უსაფრთხოებისთვის თავისი წილი პასუხისმგებლობა აიღოს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics