ჩვენ, საზოგადოებასთან ერთად, ყველაფერს ვაკეთებთ, რომ საქართველო არ იყოს მორიგი უმძიმესი, დამანგრეველი ავანტიურისა და ავანტიურისტთა მსხვერპლი, - ასე ეხმაურება საპარლამენტო უმრავლესობის წევრი ირაკლი ქადაგიშვილი მასობრივ საპროტესტო აქციებთან დაკავშირებით შს ყოფილი მინისტრის, ვანო მერაბიშვილის განცხადებას.

როგორც ქადაგიშვილმა მედიის წარმომადგენლებს უთხრა, საზოგადოების გულწრფელი პროტესტის უკან "ასეთი ძალები" ხელისუფლების ცვლილებასა და "მეორე ფრონტის" გახსნას გეგმავენ.

"ვანო მერაბიშვილის განცხადება სწორედ ეს არის  - ის პირდაპირ ამბობს, რომ ჩვენი მიზანია ახლა, რომ დავიწყოთ საპროტესტო მოძრაობა, რათა შევცვალოთ ხელისუფლება, გახდეს პროუკრაინული ქართული ხელისუფლება და შეუტიონ რუსეთს უკრაინის დასახმარებლად ანუ დავიწყოთ ომი და ამ ქვეყანაში ისევ დავატრიალოთ ის უბედურება, რაც ამ პოლიტიკურმა ძალამ თავისი ავანტიურისტული პოლიტიკის შედეგად, 2008 წელს დაგვმართა თავს. 

ჩვენ, საზოგადოებასთან ერთად, ყველაფერს ვაკეთებთ, რომ საქართველო არ იყოს ამ მორიგი უმძიმესი, დამანგრეველი ავანტიურისა და ავანტიურისტთა მსხვერპლი. ჩვენ დავინახეთ, რომ ახალგაზრდების გულწრფელი პროტესტის უკან ასეთი ძალები ცდილობდნენ ამ გეგმების განხორციელებას", - განაცხადა ირაკლი ქადაგიშვილმა.

ცნობისთვის, საქართველოს ყოფილმა შინაგან საქმეთა მინისტრმა, ვანო მერაბიშვილმა 10 მარტს, Ukrinform-ის მედიაცენტრში გლობალური ინიციატივის, SAVE MISHA-ს თემაზე დისკუსიის დროს თქვა, რომ იგეგმება მასობრივი საპროტესტო აქციების დაწყება. მერაბიშვილის განცხადებით,  აქციების მთავარი მიზანი საქართველოში ხელისუფლების შეცვლა იქნება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს