2023-03-09 14:17:50, 1230 ნახვა
პოლიტიკა
ლანდსბერგისი - მოვუწოდებთ საქართველოს ხელისუფლებას, გაიწვიოს კანონპროექტები განცხადების შესაბამისად
ქართველებმა იციან სამოქალაქო საზოგადოების დაცვის სასიცოცხლო მნიშვნელობა, - ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი სოციალურ ქსელში წერს.
ლანდსბერგისის თქმით, ქართველები დემოკრატიულ გზაზე დარჩენისთვის იბრძვიან. როგორც ის აღნიშნავს, საქართველო უნდა დაუბრუნდეს ევროკავშირთან დაკავშირებულ ინკლუზიური და დემოკრატიული რეფორმების გზას.
''ჩვენ ვხედავთ, როგორ იბრძვიან ქართველები დემოკრატიულ გზაზე დარჩენისთვის - მათ იციან სამოქალაქო საზოგადოების დაცვის სასიცოცხლო მნიშვნელობა. ჩვენ მოვუწოდებთ საქართველოს ხელისუფლებას - გაიწვიონ კანონპროექტები, განცხადების შესაბამისად და დაუბრუნდეს ევროკავშირთან დაკავშირებული ინკლუზიური და დემოკრატიული რეფორმების გზას'' - წერს გაბრიელიუს ლანდსბერგისი.
ავტორი: ექსპრესნიუსი,
epn.ge (@expressnews.ge)
