"ქართული ოცნების" თავმჯდომარე ირაკლი კობახიძე ლევან იოსელიანს სახალხო დამცველის პოსტზე დანიშვნას ულოცავს და ამბობს, რომ მმართველმა პარტიამ მხარდაჭერის გადაწყვეტილება მისი პიროვნული თვისებებიდან გამომდინარე მიიღო. 

როგორც კობახიძემ პლენარულ სხდომაზე სიტყვით გამოსვლისას განაცხადა, პარტია "მოქალაქეების" წევრი ლევან იოსელიანი იყო ერთადერთი კანდიდატი, რომლის გარშემოც შესაძლებელი იყო 90 ხმის მიღება, თუმცა კობახიძის თქმით, ოპოზიციის ნაწილმა მხარი არ დაუჭირა.

"მისი პიროვნული თვისებები იყო ერთ-ერთი მთავარი მიზეზი, რატომაც მოვიღეთ გადაწყვეტილება მხარდაჭერის თაობაზე. თუმცა, ეს იყო კომპრომისული გადაწყვეტილება ჩვენი მხრიდან, რადგან ლევან იოსელიანი იყო ოპოზიციური პარტიის წარმომადგენელი. თუმცა, ეს კომპრომისი იყო საჭირო ჩვენი ქვეყნისთვის, სხვადასხვა თვალსაზრისით. 

მინდა ასევე გავამახვილო ყურადღება, რომ ოპოზიციის უდიდესმა ნაწილმა, სამწუხაროდ მხედველობაში არ მიიღო ამ კომპრომისის საჭიროება და მონაწილეობა არ მიიღეს დღევანდელ კენჭისყრაში. ეს მეტყველებს მათ ფარისევლობაზე. ეს ფარისევლობის გამოხატულებაა სწორედ ის, როცა ჩვენი გმირი პატრიარქი გახატია გულზე და ამ დროს, ეკლესიას აგინებ. 

ლევან იოსელიანი იყო ერთადერთი კანდიდატი, რომლის გარშემოც იყო შესაძლებელი 90 ხმის შესრულება და ესეც იყო მთავარი მიზეზი, რატომაც მივიღეთ ეს გადაწყვეტილება. თუმცა, ხაზს გავუსვა, რომ ამის მიუხედავად, ოპოზიციის უდიდესმა ნაწილმა მხარი არ დაუჭირა ამ გადაწყვეტილებას, რომელიც კანდიდატის სტატუსის მისაღებად არის მნიშვნელოვანი. მე ღრმად მწამს, რომ ლევან იოსელიანი იქნება დამოუკიდებელი სახალხო დამცველი. სამწუხაროდ, ოპოზიციიდან ერთ-ერთმა კოლეგამ საპირისპირო მოსაზრება გამოხატა - მე ერთი რამე მინდა ვთქვა, მათ ლექსიკონში დამოუკიდებელი არის ჯაშუშის სინონიმი. თუ არ ხარ ჯაშუში, არ ხარ დამოუკიდებელი", - განაცხადა ირაკლი კობახიძემ. 

შეგახსენებთ, რომ დღეს საქართველოს პარლამენტმა სახალხო დამცველის თანამდებობაზე ლევან იოსელიანი აირჩია. კენჭისყრის შედეგების მიხედვით, იოსელიანს მხარი 96-მა დეპუტატმა დაუჭირა, წინააღმდეგ არავინ წასულა. კანონმდებლებმა სახალხო დამცველი 6 წლის ვადით აირჩიეს.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება