გულდასაწყვეტია, რომ საპარლამენტო ოპოზიციის ე.წ მთავარმა ნაწილმა წარმოუდგენელი ინფლაცია განიცადა, კუპონიც კი, თავის დროზე უფრო მყარი იყო, - ამის შესახებ პარლამენტის თავმჯდომარის მოადგილემ, არჩილ თალაკვაძემ პლენარულ სხდომაზე სიტყვით გამოსვლისას. 

მისივე თქმით, საპარლამენტო ოპოზიციის ის ნაწილი, რომელიც ბოიკოტის რეჟიმში იმყოფება, უნდა დაუბრუნდეს მანდატებს და საკანონმდებლო ორგანოში გამართონ "დემოკრატიული დისკუსიები". 

"გულდასაწყვეტია, რომ საპარლამენტო ოპოზიციის ე.წ მთავარმა ნაწილმა წარმოუდგენელი ინფლაცია განიცადა. შეიძლება ითქვას, რომ კუპონიც კი, თავის დროზე უფრო მყარი იყო, ვიდრე დღეს ეს ე.წ მთავარი ოპოზიცია და რადიკალური ბანაკი პარლამენტში. მინდა დაგარწმუნოთ, რომ ბატონი გოცირიძე, ქალბატონი დეკანოიძე ვერ გიშველით და ვერ შეასრულებს თქვენს მისიას. მოიყვანეთ თქვენ მიერ არჩეული ახალი სარდლობა, დევ-გმირები, რომელიც ციხესიმაგრეების დანგრევით იმუქრებოდნენ, დასხედით და მონაწილეობა მიიღეთ დებატებში, აჩვენეთ ხალხს რა შეგიძლიათ და რა ოპოზიცია ხართ. ჯერჯერობით ამას ვერ აკეთებთ. სამწუხაროა, რომ პარლამენტში არ ყოფნასა და ყოფნის დროს დესტრუქციაში ხართ გაჭედილი. თქვენ არ მოგწონთ დემოკრატია, დისკუსია მიუღებელია თქვენთვის და რაც ყველაზე ცუდია, სხვისი გაკეთებული ნებისმიერი კარგი საქმე მიუღებელია. სწორედ ამიტომ ქვეყნის და ხალხის ინტერესებში მოდიხართ წინააღმდეგობაში",- განაცხადა თალაკვაძემ. 

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება