ადამიანი, რომელიც კომიტეტზე ზის და ამბობს, რომ ეს არის კანონი და თან რუსული კანონი, მე ვალდებული ვარ ხალხის და საზოგადოების წინაშე, ავუხსნა, რომ ეს არის ტყუილი, ჯერ ერთი რომ ეს არ არის რუსული კანონი, ერთი ერთში ნათარგმნი ამერიკული მოდელია და მეორე - ეს არ არის კანონი - ასე მიმართა პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა არასამთავრობო ორგანიზაციებს კომიტეტის სხდომაზე, რომელზეც  „ხალხის“ ძალის“ მიერ ინიცირებულ კანონპროექტებს განიხილავენ .

ანრი ოხანაშვილის განცხადებით, კანონს უწოდებენ კანონპროექტს, რომელიც ჯერ კიდე პირველი მოსმენით არ არის მიღებული.

„თქვენ ეძახით კანონს კანონპროექტს,  რომელიც ჯერ პირველი მოსმენით არ არის მიღებული. თხოვნა მაქვს, ახსნას ვინმემ, რატომ უწოდებთ კანონს, როდესაც პირველი მოსმენით არ არის მიღებული და გაკეთდა დათქმა, რომ გაიგზავნება ვენეციის კომისიაში და მეორე მოსმენის ფარგლებში, მათ შორის ტერმინოლოგიური იქნება თუ სხვა საკითხი, ვიმსჯელოთ. მაინც ამბობთ, რომ ეს არის კანონი. სად არის სიმართლე? მერე გწყინთ, რომ რატომ ვაკეთებთ განმარტებას. მე ვალდებული ვარ ხალხის და საზოგადოების წინაშე, რომ ადამიანი, რომელიც კომიტეტზე ზის და ამბობს, რომ ეს არის კანონი და თან რუსული კანონი, მე ავუხსნა ხალხს, რომ ეს არის ტყუილი. ჯერ ერთი რომ ეს არ არის რუსული კანონი, ერთი ერთში ნათარგმნი ამერიკული მოდელია და მეორე - ეს არ არის კანონი, - განაცხადა ანრი ოხანაშვილმა.

შეგახსენებთ, რომ დღეს იურიდიულ საკითხთა კომიტეტზე “ქართული ოცნების" და ანტიდასავლური მოძრაობა "ხალხის ძალის" წევრები, „უცხოური აგენტების შესახებ“ კანონპროექტს მეორე მოსმენით განიხილავენ. ადგილზე მმართველ პარტიასა და ოპოზიციონერ დეპუტატებს შორის სიტუაცია არა ერთხელ დაიძაბა და სიტყვიერ და ფიზიკურ დაპირისპირებაში გადაიზარდა. 

აღსანიშნავია, რომ საკანონმდებლო ორგანოში დაშვების შეზღუდული რეჟიმი აამოქმედეს და ჟურნალისტები არ შეუშვეს. 

პარლამენტის შენობასთან არასამთავრობო ორგანიზაციები და მედიის წარმომადგენლები არიან შეკრებილი და საპროტესტო აქციას მართავენ. ​ადგილზე ასევე იმყოფებიან რიგითი მოქალაქეები და სხვადასხვა სექტორის წარმომადგენლები, რომლებიც თვლიან, რომ აღნიშნული კანონპროექტის განხილვა საქართველოს მომავლისთვის საზიანო იქნება.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება