ამ დარბაზში იმყოფებიან ადამიანები, რომლებიც წარმოადგენენ ევროსაბჭოში საქართველოს და ამბობენ, იცით რა, მერე რა მოხდა, რომ ევროსაბჭოში ნეგატიური დასკვნა იყო ამ კანონპროექტზე, - ამის შესახებ იურიდიულ საკითხთა კომიტეტის სხდომაზე პარლამენტის წევრმა ხატია დეკანოიძემ განაცხადა. 

მისი თქმით, აღნიშნული კანონპროექტის მიღება უკვე ყველას გადაწყვეტილი აქვს.
დეპუტატმა კომიტეტის თავმჯდომარეს ანრი ოხანაშვილს მიმართა და ჰკითხა, რატომ არ შეხვდნენ შშმ პირებს, სანამ კანონპროექტს დააინიცირებდნენ. 

''მიუხედავად იმისა, რომ საქართველოში არ გახლდით, ყველაფერი მოვისმინე აქამდე. 
ამ კანონპროექტზე ხმის მიცემა ყველას გადაწყვეტილი აქვს. ამ დარბაზში იმყოფებიან ადამიანები, რომლებიც წარმოადგენენ ევროსაბჭოში საქართველოს და ამბობენ, იცით რა, მერე რა მოხდა, რომ ევროსაბჭოში ნეგატიური დასკვნა იყო ამ კანონპროექტზე? როდესაც წარმოადგენ საქართველოს დელეგაციას და ევროსაბჭოში გამოდიხარ საქართველოს სახელით, ევროსაბჭოს განცხადება უნდა გქონდეს წარმოდგენილი. 

მე მაქვს ორი კითხვა: პირველი - ფარას რომ ადარებთ, რომ თურმე ამერიკული კანონპროექტი ყოფილა და რუსული არა, მე მაინტერესებს, ფარაში შესწორებები, რომელიც შევიდა 1939 წლის შემდეგ. 1966 წელს შესწორება, რომელიც შევიდა ფარაში, ვინ იცის, ვის წაუკითხავს და პრინციპების დონეზე ვის განუხილავს?! არც არავის. ბატონო ანრი, თქვენ მინდა გკითხოთ,სანამ არ ამ კანონის დაინიცირება მოხდებოდა, რატომ არ შეხვდით შშმ პირებს? რატომ არ შეხვდით ქალებს, რომლებიც ძალადობის მსხვერპლ ქალებზე მუშაობდნენ?'' - განაცხადა ხატია დეკანოიძემ. 

შეგახსენებთ, რომ დღეს იურიდიულ საკითხთა კომიტეტზე “ქართული ოცნების" და ანტიდასავლური მოძრაობა "ხალხის ძალის" წევრები, „უცხოური აგენტების შესახებ“ კანონპროექტს მეორე მოსმენით განიხილავენ. ადგილზე მმართველ პარტიასა და ოპოზიციონერ დეპუტატებს შორის სიტუაცია არა ერთხელ დაიძაბა და სიტყვიერ და ფიზიკურ დაპირისპირებაში გადაიზარდა. 

აღსანიშნავია, რომ საკანონმდებლო ორგანოში დაშვების შეზღუდული რეჟიმი აამოქმედეს და ჟურნალისტები არ შეუშვეს. 

პარლამენტის შენობასთან არასამთავრობო ორგანიზაციები და მედიის წარმომადგენლები არიან შეკრებილი და საპროტესტო აქციას მართავენ. ​ადგილზე ასევე იმყოფებიან რიგითი მოქალაქეები და სხვადასხვა სექტორის წარმომადგენლები, რომლებიც თვლიან, რომ აღნიშნული კანონპროექტის განხილვა საქართველოს მომავლისთვის საზიანო იქნება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს