ალასანია სააკაშვილზე - მეტყველება ჰქონდა წართმეული, ამაზე მძიმე მდგომარეობა გარდაცვალებაა

2023-03-03 13:02:21, 749 ნახვა

პოლიტიკა

საქართველოს მესამე პრეზიდენტის დედა გიული ალასანია სააპელაციო სასამართლოს განაჩენს ეხმაურება და ამბობს, რომ შუამდგომლობის არ დაკმაყოფილება "მოსალოდნელი იყო".

როგორც გიული ალასანიამ კლინიკა "ვივამედში" შესვლამდე განაცხადა, მიხეილ სააკაშვილი სასიკვდილო მდგომარეობაშია.

"შედეგი მოსალოდნელი რაც იყო, ის მივიღეთ, სხვა ამ რეალობაში სადაც ვცხოვრობთ, სხვა შედეგი შეიძლება ყოფილიყო?! არ ვიცი ადვოკატები რას გეგმავენ, ჩემ შვილს დაველაპარაკები, ჯერ არ ვიცი.

კატასტროფული მდგომარეობა იყო, ნახევარ დღეზე მეტხანს ადამიანს ჰქონდა მეტყველება წართმეული, და მე არ ვიცი ამაზე მძიმე მდგომარეობა არის გარდაცვალება, არ ვიცი კლინიკა როგორ შეფასებებს იძლევა, მე ჩემი შეფასება მაქვს", - ამბობს გიული ალასანია.

შეგახსენებთ, რომ თბილისის სააპელაციო სასამართლომ საქართველოს მესამე პრეზიდენტის, მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. მეორე ინსტანციამ თბილისის საქალაქო სასამართლოს გადაწყვეტილება ძალაში ისე დატოვა, რომ პროცესებიც კი არ ჩაუტარებია.